Kajal Satyabhama Teaser : టాలీవుడ్ చందమామ.. స్టార్ హీరోయిన్ కాజల్ అగర్వాల్.. సెకండ్ ఇన్నింగ్స్ మొదలుపెట్టడంతోనే వరుస సినిమాలను లైన్లో పెట్టింది. భగవంత్ కేసరిలో బాలయ్య సరసన నటించి.. సూపర్ హిట్ అందుకున్న కాజల్ మరో సినిమాను విడుదల చేసేందుకు రెడీ అవుతోంది. దీపావళి సందర్భంగా ఆ చిత్రం నుంచి మేకర్స్ టీజర్ ను విడుదల చేశారు. పూర్తిగా లేడీ ఓరియంటెడ్ గా వస్తున్న సత్యభామ.. కాజల్ కెరీర్ లో 60వ చిత్రం కావడం విశేషం. అందుకే ఈ సినిమాపై అంచనాలున్నాయి.
టీజర్ విషయానికొస్తే.. కాజల్ ఒక పవర్ఫుల్ పోలీస్ ఆఫీసర్ పాత్రలో.. సత్యభామగా కనిపిస్తుంది. ఆమె పై అధికారిగా ప్రకాష్ రాజ్ కనిపించారు. ఇప్పటివరకూ చందమామలా కనిపించిన కాజల్.. ఈ టీజర్ లో మాత్రం యుద్ధానికి దిగిన సత్యభామలా కనిపించిందనడంలో సందేహం లేదు. ఇప్పటికే విడుదలైన గ్లింప్స్ లో తన యాక్షన్ సీన్స్ ఎలా ఉంటాయో చూపించిన కాజల్.. టీజర్ లో అంతకుమించిన యాక్షన్ ను చూపించింది.
సత్యభామ సినిమా ఒక క్రైమ్ సస్పెన్స్ థ్రిల్లర్ అని తెలుస్తోంది. సత్యభామ ఇన్వెస్టిగేషన్ చేస్తున్న కేసులో అనుకోకుండా ఒక వ్యక్తి చనిపోవడం, ఆ కేసునుంచి సత్యభామను తీసేయడం, తనవల్ల తప్పు జరగడంతో ఆ కేసును ఆఫ్ డ్యూటీలో ఇన్వెస్టిగేట్ చేయడం సినిమా కథగా తెలుస్తోంది. అఖిల్ డేగల దర్శకత్వం వహిస్తున్న ఈ సినిమాకు శ్రీచరణ్ పాకాల సంగీతం అందిస్తున్నారు..
.
.
Share
Narayankhed : అనూహ్యంగా తప్పుకున్న సురేష్ షెట్కర్.. బరిలో సంజీవ్ రెడ్డి..
Suryapet : పటేల్ రమేష్ రెడ్డి సంచలన నిర్ణయం.. ఆ పార్టీ తరఫున పోటీ..
