Kalki 2898 AD: పాన్ ఇండియా స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన చిత్రం కల్కి 2898AD. వైజయంతీ మూవీస్ బ్యానర్ పై అశ్వినీదత్ నిర్మించిన ఈ చిత్రంలో బాలీవుడ్ హీరోయిన్ దీపికా పదుకొనే, అమితాబ్ బచ్చన్, దిశా పటానీ కీలక పాత్రల్లో కనిపించగా.. విశ్వనటుడు కమల్ హాసన్ విలన్ గా కనిపించాడు.
ఇక దుల్కర్ సల్మాన్, విజయ్ దేవరకొండ, మృణాల్ ఠాకూర్, రాజమౌళి, రామ్ గోపాల్ వర్మ , మాళవిక నాయర్ గెస్ట్ పాత్రల్లో నటించి మెప్పించారు. ఈ ఏడాది జూన్ 26 న రిలీజ్ అయిన ఈ సినిమా భారీ విజయాన్ని అందుకుంది. రికార్డు కలక్షన్స్ తో ఇండస్ట్రీని షేక్ చేసిన కల్కి.. ఈ మధ్యనే ఓటీటీలో కూడా అడుగుపెట్టి ఇక్కడ కూడా మంచి విజయాన్ని అందుకుంది.
ఇక ప్రతి సినిమాకు కట్ చేసిన సీన్స్ ఉంటాయి. వాటిని సినిమా రిలీజ్ అయిన కొన్ని రోజులకు రిలీజ్ చేయడం ట్రెండ్ గా మారింది. తాజాగా కల్కి డీలిటెడ్ సీన్స్ ను మేకర్స్ రిలీజ్ చేశారు. ఇందులో అశ్వద్ధామ, రాయ మధ్య సీన్స్, కాంప్లెక్స్ సంబంధించిన కొన్ని సీన్స్ ను చూపించారు. నిజం చెప్పాలంటే.. ఈ డీలిటెడ్ సీన్స్ వలన ఎలాంటి ఉపయోగం లేదని తెలుస్తోంది.
మొదటి నుంచి కల్కి సినిమా ఫస్ట్ హాఫ్ ల్యాగ్ అనిపించిందని మౌత్ టాక్ వచ్చిన విషయం తెల్సిందే. ఇక ఈ డీలిటెడ్ సీన్స్ కూడా యాడ్ చేస్తే.. మరింత ల్యాగ్ అయ్యి మిక్స్డ్ టాక్ వచ్చేది ఏమో అని అనిపించకమానదు. ఏదిఏమైనా ఈ సీన్స్ ను డిలీట్ చేసి మంచి పనే చేసారని అభిమానులు చెప్పుకొస్తున్నారు.
అయితే ఈ సీన్స్ లో శోభన ఫైట్ సీక్వెన్స్.. సినిమాలో పెట్టి ఉంటే బావుండేది అని అనిపించకమానదు. అమ్మను కాపాడుకోవడానికి మరియమ్.. సుప్రీమ్ యాస్కీన్ మనుషులతో ఫైట్ చేస్తుంది. దాన్ని మొత్తం చూపించకుండా కట్ చేసినట్లు తెలుస్తోంది. ఆ ఒక్క సీన్ తప్ప మిగతావన్నీ వేస్ట్ అని ఫ్యాన్స్ చెప్పుకొస్తున్నారు. ఇక అసలు ఆ సీన్స్ ఏంటి అనేవి మీరు కూడా ఒక లుక్ వెయ్యండి.
Share
Vivo Y300 Pro 5G: అదరహో.. వివో నుంచి మరో స్మార్ట్ఫోన్.. లాంచ్కు రెడీ!
Ajwain Health Benefits: వాముతో చిటికెలో జలుబు, దగ్గు మాయం !
