Keerthy Suresh : ఓవైపు హీరోల పక్కన జోడీగా నటిస్తూ గ్లామర్ హీరోయిన్ ఇమేజ్ సంపాదించుకున్న కీర్తి సురేష్.. లేడీ ఓరియెంటెడ్ మూవీస్‌లో కూడా చేస్తూ తనదైన ఇమేజ్‌ను సంపాదించుకుంది. తాజాగా ఈమె కొత్త సినిమాను మేకర్స్ అనౌన్స్ చేశారు. కె.జి.యఫ్.. కాంతార వంటి సెన్సేషనల్ మూవీస్ చేసిన నిర్మాణ సంస్థ హోంబలే ఫిలింస్ ఈ మూవీని నిర్మిస్తుంది. ఇంతకీ ఈ సినిమా టైటిల్ ఏంటో తెలుసా! ‘రఘు తాత’. టైటిల్ చాలా డిఫరెంట్‌గా ఉందే అనిపిస్తుందిగా.. నిజమే హిందీలో రహతా థా అని మనం చదువుకుని ఉంటాం కదా.. దాన్నే తమిళులు రఘు తాత అనే సెటైరికల్ కామెడీ చేస్తుంటారు. అలాంటి సెటైరికల్ కామెడీ టైటిల్‌ను కీర్తి సురేష్ సినిమాకు ఎందుకు పెట్టార‌నేది తెలియ‌టం లేదు.
రఘు తాత సినిమాకు సుమ‌న్ కుమార్ ద‌ర్శ‌క‌త్వం వ‌హిస్తున్నారు. విజయ్ కిరగందూర్ నిర్మాత. ఈ సినిమాతో పాటు కీర్తి సురేష్ .. ద‌స‌రా సినిమాలో నాని స‌ర‌స‌న న‌టిస్తుంది. అలాగే భోళా శంక‌ర్ సినిమాలో చిరంజీవి చెల్లెలుగా క‌నిపించ‌నుంది. ఇవి కాకుండా మ‌రో రెండు త‌మిళ చిత్రాల్లోనూ కీర్తి సురేష్ న‌టిస్తుంది. నెట్టింట సదరు సినిమా ఓపెనింగ్‌కి సంబంధించిన ఫొటోలు వైరల్ అవుతున్నాయి.
Share
Revanth Reddy: కాంగ్రెస్ సీఎం అభ్యర్థి రేవంత్ రెడ్డి.. పీసీసీ చీఫ్ క్లారిటీ!
TS Politics: తాటతీస్తా.. పది రోజులు టైమ్ ఇస్తున్నా.. బండి వర్సెస్ ఇంద్ర
