Kiran Abbavaram – Rahasya Gorak Engagement: టాలీవుడ్‌లో మరో యువ నటుడు పెళ్లి పీటలు ఎక్కబోతున్నాడు. తనదైన శైలిలో, యాసతో తనకంటూ ఒక ప్రత్యేక స్థానం సంపాదించుకున్న యువ నటుడు కిరణ్ అబ్బవరం.
ఇప్పుడు వైవాహిక జీవితంలోకి అడుగు పెడుతున్నాడు. “రాజావారు రాణిగారు” సినిమాతో తెలుగు ఇండస్ట్రీకి పరిచయమయ్యాడు కిరణ్ అబ్బవరం. ఇదే సినిమాలో హీరోయిన్‌గా టాలీవుడ్ ప్రేక్షకులను పలకరించింది రహస్య గోరఖ్. ఈ సినిమా వీరిద్దరికి మంచి పేరు తెచ్చిపెట్టింది.
ఆ సమయంలో వీరిద్దరి మధ్య ప్రేమ చిగురించింది. జంటగా వీరిద్దరు ఆన్ స్క్రీన్‌లో రొమాన్స్ చేశారు. ఇక ఆఫ్ స్క్రీన్‌లోను ఈ జంట ప్రేమించుకుంటున్నారని ఎప్పటినుంచో ప్రచారం జరుగుతోంది. కాని వీరిద్దరూ అధికారంగా తమ ప్రేమను ఎప్పుడూ అభిమానులకు చెప్పలేదు.
అభిమానులు ఊరుకోరు కదా.. కాగా, వీళ్లు ఇద్దరు షేర్ చేసిన ఫోటోల బ్యాగ్రౌండ్‌ లొకేషన్లు ఒకటే ఉండటంతో ఎలాగొలా వీరిద్దరి ప్రేమను కన్ఫర్మ్ చేశారు ఫ్యాన్స్. రీసెంట్‌గా కిరణ్ ఇంటి గృహ ప్రవేశ వేడుకలో పూలు గుచ్చుతూ కనిపించింది ఈ బ్యూటీ.
Also Read: ఈ రోజు టీవీల్లో మస్తు మజా అనిపించే సినిమాలు వచ్చేస్తున్నాయి.. ఇదిగో లిస్ట్
దీంతో ఈ విషయాన్ని తాజాగా ఈ జంట తమ రిలేషన్‌ను అధికారంగా బయటపెట్టేసింది. కిరణ్ అబ్బవరం, రహస్య గత ఐదేళ్లుగా ప్రేమించుకున్న ఈ జంట ఇటీవలే తమ పేరెంట్స్‌ని ఒప్పించి త్వరలో పెళ్లిపీటలెక్కబోతున్నారు.
ఈ జంట తాజాగా ఇరు కుటుంబాల సమక్షంలో నిశ్చితార్థం చేసుకున్నారు. ఈ జంట తమపై వచ్చిన వార్తలను నిజం చేశారు. ప్రస్తుతం వీరి ఎంగేజ్‌మెంట్ వేడుకకు సంబంధించిన ఫొటోలు సోషల్ మీడియాలో వైరల్‌గా మారాయి.
Also Read: వార్ 2 సినిమాకు డేట్లు కేటాయించిన ఎన్టీఆర్.. ఏకంగా అన్ని రోజులా..?
ఇక పెళ్లికి సంబంధించిన తేదీలు, ఇతర వివరాలు త్వరలోనే ప్రకటిస్తామని ఈ జంట పేర్కొంది. ఇక కేరీర్ పరంగా చూస్తే కిరణ్ అబ్బవరం ప్రస్తుతం దిల్ రూబా సినిమాతో పాటు 1970వ దశకం నేపథ్యంతో సాగే ఓ పీరియాడిక్ మూవీ చేస్తున్నాడు. ఈ మూవీకి సంబంధించిన వివరాలు త్వరలోనే వెల్లడించనుంది చిత్రబృందం.
Share
TG High Court Warns State Government: బెంగళూరులో నీటి కరువు.. తెలంగాణ ప్రభుత్వాన్ని హెచ్చరించిన హైకోర్టు!
Razole Politics : రోడ్డెక్కిన రాజోలు రాజకీయం.. ఊహించని ట్విస్ట్‌తో ఆందోళనలో వైసీపీ శ్రేణులు
