Prabhas-Kriti Sanon: పాన్ ఇండియా స్టార్ ప్రభాస్ పెళ్లి వ్యవహారంపై సోషల్ మీడియాలో పెద్ద చర్చ జరుగుతోంది. త్వరలో బాలీవుడ్ నటి కృతి సనన్, ప్రభాస్ల నిశ్చితార్థం మాల్దీవుల్లో జరగనున్నట్లు బీటౌన్ మీడియా కోడై కూస్తోంది. ఇందుకు సంబంధించిన అన్ని ఏర్పాట్లు కూడా ఇప్పటికే పూర్తైనట్లు టాలీవుడ్, బాలీవుడ్ మీడియాలో వార్తలు వస్తున్నాయి.
తాజాగా ఈ వ్యవహారంపై ప్రభాస్ టీమ్ స్పందించింది. ప్రభాస్, కృతి సనన్ నిశ్చితార్థం అంటూ వస్తున్న వార్తల్లో ఎటువంటి నిజం లేదని తేల్చేసింది. అవన్నీ రూమర్సేనని కొట్టిపారేసింది. వారిద్దరూ కేవలం మంచి స్నేహితులు మాత్రమేనని స్పష్టం చేసింది.
ఇక రామాయణం నేపథ్యంలో తెరకెక్కుతున్న ‘ఆదిపురుష్’ సినిమాలో ప్రభాస్, కృతిసనన్ జంటగా నటిస్తున్నారు. జూన్ 16న ప్రపంచవ్యాప్తంగా ఈ సినిమా రిలీజ్ కానుంది. ఓం రౌత్ దర్శకత్వం వహిస్తున్న ఈ మూవీలో ప్రభాస్ రాముడి పాత్రలో, కృతి సనన్ సీత పాత్రలో, సైఫ్ ఆలీఖాన్ రావణాసురుడి పాత్రలో నటిస్తున్నారు.
Share
RevanthReddy: ప్రగతిభవన్ ను అంబేద్కర్ సెంటర్ చేస్తాం.. కేటీఆర్ పై రేవంత్ భూ'బాంబ్'
KTR: ఆ కలెక్టర్లు వారేనా?.. బండి సంజయ్, రేవంత్ ఒకే పాయింట్ మీదున్నారా?
