Kurchi Madathapetti: సూపర్ స్టార్ మహేష్ బాబు, శ్రీలీల జంటగా త్రివిక్రమ్ దర్శకత్వంలో తెరకెక్కిన చిత్రం గుంటూరు కారం. హారిక అండ్ హాసినీ క్రియేషన్స్ బ్యానర్ పై చినబాబు మరియు సూర్యదేవర నాగవంశీ ఈ సినిమాను నిర్మించారు. ఈ ఏడాది సంక్రాంతి కానుకగా ఈ సినిమా ప్రేక్షకుల ముందుకు వచ్చి మిక్స్డ్ టాక్ ను సొంతం చేసుకుంది. మొదటి నుంచి ఈ గుంటూరు కారంపై అభిమానులు భారీ అంచనాలు పెట్టుకున్నారు. అందుకు కారణం మహేష్- త్రివిక్రమ్ కాంబో మూడోసారి రిపిట్ కావడం. మహేష్ కూడా ఈ సినిమా కోసం బాగా కష్టపడ్డాడు. అయితే.. త్రివిక్రమ్ కథను మలిచే విధానం అభిమానులను ఆకట్టుకోలేకపోయింది.
గుంటూరు కారం షూటింగ్ సమయంలోనే ఎన్నో వివాదాలను ఎదుర్కుంటూ వచ్చింది. హీరోయిన్ మారడం, డిఓపి మారడం.. షూటింగ్ లేట్ అవ్వడం.. ప్రమోషన్స్ సరిగ్గా చేయకపోవడం.. ఇలా ఒకదాని తరువాత ఒకటి వస్తూ ఉన్న సమయంలో ఆ కుర్చీని మడతపెట్టి సాంగ్ రిలీజ్ అయ్యింది. పైన వివాదాలన్నీ వదిలేసి.. ఈ ఒక్క సాంగ్ మీద విమర్శలు చేయడం మొదలుపెట్టారు. ఎవరో ఒక ముసలితాత.. తాగి ఒక యూట్యూబ్ ఛానెల్ లో చెప్పిన డైలాగ్ ఆ కుర్చీని మడతపెట్టి ***తే మెడలు విరుగుతాయి. ఇక అప్పట్లో ఈ డైలాగ్ సోషల్ మీడియాను షేక్ చేసింది. ముసలి తాతను సెలబ్రిటీని చేసింది.
ఇక గుంటూరు కారంలో ఒక మాస్ సాంగ్ ఉండాలని అనుకున్నప్పుడు.. ఈ డైలాగ్ తో సాంగ్ ఉంటే బావుంటుంది.. జనాలకు ఎక్కుతుంది అని చిత్ర బృందం అనుకోని.. ముసలి తాతకు కొంత డబ్బు ఇచ్చి మరీ ఈ డైలాగ్ ను సినిమాలో పెట్టించారు. ఇక ఈ సాంగ్ రిలీజ్ అయ్యాకా.. అందరూ.. మహేష్, త్రివిక్రమ్ పై మండిపడ్డారు. ముఖ్యంగా మహేష్ ను అయితే.. ఛీఛీ ఇంతకు దిగజారుతాడా అని ట్రోల్ చేశారు. ఆ పదాలు వాడడానికి మహేష్ ఎలా ఒప్పుకున్నాడు. సాంగ్ రాయడానికి త్రివిక్రమ్ లో సత్తా లేదా.. ? అంటూ విమర్శించారు. కానీ, ఇప్పుడు అదే సాంగ్ నేషనల్, ఇంటర్నేషనల్ లెవెల్లో గుర్తింపు తెచ్చుకుంటుంది. తాజాగా అమెరికాలో హ్యూస్టన్ లో జరుగుతున్న నేషనల్ బాస్కెట్ బాల్ గేమ్స్- NBA మ్యాచ్ మధ్యలో ఆ కుర్చీని మడతపెట్టి సాంగ్ కు స్టెప్స్ వేసి అలరించారు. ఇందుకు సంబంధించిన వీడియో నెట్టింట వైరల్ గా మారింది. మహేష్, శ్రీలీల స్టెప్స్, థమన్ మ్యూజిక్ నెక్స్ట్ లెవెల్. ఇప్పుడు ఈ సాంగ్ నే సూపర్.. అలా ఉండాలి సాంగ్ అని కామెంట్స్ చేస్తున్నారు.
@MusicThaman Sir goes global 🌍 Tq soo much @MusicThaman sir for this unforgettable ⚡️ Sensation from all our #dhfms I’m so happy 😀 #GLOBALROCKSTAR @MusicThaman Sir#KurchiniMadathapetti #MaheshBabu Sir #thaman Sir #GunturKaraam #Nba@MusicThaman Sir 🔥 pic.twitter.com/K5bAnO8GNc
— Sai Madhu Kambhampati (@SaiMadhu_K) April 1, 2024
Share
Arvind Kejriwal: విచారణకు సహకరించిన కేజ్రీవాల్.. ఇద్దరు ఆప్ మంత్రుల పేర్లు వెల్లడి
Shocking Scene In Shopping Mall: ఒక్కసారిగా భారీ కుదుపు.. షాపింగ్ మాల్‌లో భయంకరమైన సీన్
