Kushi Rerelease trailer:పవర్ స్టార్ ప‌వ‌న్ క‌ళ్యాణ్ కెరీర్ స్టార్టింగ్‌లో చేసిన సినిమాలు ఆయ‌న స్టార్ డ‌మ్‌ను పెంచుతూ వెళ్లాయి. అలా ఆయ‌న చేసిన సినిమాల్లో ఖుషి టాప్ మూవీ. ఆయ‌న రేంజ్‌ను ఎవ‌రికీ అంద‌నంత ఎత్తులోకి తీసుకెళ్లి కూర్చోపెట్టింది. యూత్‌కు ఆయ‌న‌తో స్పెష‌ల్ బాండింగ్ ఏర్ప‌డేలా చేసింది. ఏప్రిల్ 27, 2001న ఈ సినిమా విడుద‌లైంది. ఇప్ప‌టికీ మూవీ రిలీజై 21 ఏళ్ల‌వుతుంది. ఇప్పుడు అంద‌రూ హీరోల అభిమానులు వారి సినిమాల‌ను రీ రిలీజ్‌లు చేస్తున్నారు. ఆ క్ర‌మంలో ఖుషి సినిమాను ప‌వ‌న్ అభిమానులు రీ రిలీజ్ చేస్తున్నారు. 4కె టెక్నాల‌జీలోకి సినిమాను చేంజ్ చేసి కొత్త సంవత్స‌రం సంద‌ర్బంగా డిసెంబ‌ర్ 31న విడుద‌ల చేస్తున్నారు.
4కె టెక్నాల‌జీలో ఖుషి సినిమా ట్రైల‌ర్‌ను సోమ‌వారం చిత్ర యూనిట్ విడుద‌ల చేసింది. సినిమాలోని యాక్ష‌న్, ప‌వ‌న్ క‌ళ్యాణ్ స్టైలిష్ స్వాగ్‌, భూమిక అందాలు.. ఇవ‌న్నీ క‌ల‌గ‌లిపిన స‌న్నివేశాల‌తో ట్రైలర్ ఆక‌ట్టుకుంటుంది. ట్రైలర్ చూస్తుంటే ఫ్రెష్ లుక్‌తో క‌నిపిస్తుంది. ఇది పవర్ స్టార్ ఫ్యాన్స్‌కి కిక్ ఇచ్చే విష‌య‌మే. మ‌రి డిసెంబ‌ర్ 31న రీ రిలీజ్ అవుతున్న ఖుషి ఎలాంటి రికార్డులు క్రియేట్ చేస్తుందో చూడాలి మ‌రి. ఎస్‌.జె.సూర్య ద‌ర్శ‌క‌త్వంలో సూర్య మూవీస్ బ్యాన‌ర్‌పై ఎ.ఎం.ర‌త్నం ఈ చిత్రాన్ని నిర్మించారు.
Share
CBI: సీబీఐకి ఫాంహౌజ్ ఎమ్మెల్యేల కేసు.. హైకోర్టు కీలక తీర్పు.. సర్కారుకు బిగ్ షాక్..
Mohan Lal new movie: రెజ్ల‌ర్‌గా మోహ‌న్ లాల్‌.. అనౌన్స్‌మెంట్ వచ్చేసింది
