Mahesh Babu: కూతురు వెనుక దాక్కున్న మహేష్.. అది కనిపించకూడదని..

Mahesh Babu: సూపర్ స్టార్ మహేష్ బాబుకు తెల్సినవి రెండే రెండు .. ఒకటి సినిమా, రెండు ఫ్యామిలీ. ఇంకా చెప్పాలంటే సినిమా కన్నా ఫ్యామిలీకే ఇంపార్టెన్స్ ఇస్తాడు. ఏడాదికి ఒకసారి కాకుండా నెలలో ఒకసారి అయినా కుటుంబంతో వెకేషన్ కు వెళ్తూ ఉంటాడు. ప్రస్తుతం మహేష్ వెకేషన్ లోనే ఉన్న విషయం తెల్సిందే. గుంటూరు కారం తరువాత మహేష్ రాజమౌళితో ఒక సినిమా చేస్తున్న విషయం తెల్సిందే. ssmb29గా ఈ సినిమా ప్రచారంలో ఉంది. దీనికోసం జక్కన్న ఎంతో పకడ్బందీగా ప్లాన్ చేస్తున్నాడు.

రాజమౌళితో సినిమా అంటే.. అది ఎప్పుడు అవుతుంది అనేది ఆ దేవుడికే తెలియాలి. ప్రస్తుతం స్క్రిప్ట్ వర్క్ పనిలో రాజమౌళి బిజీగా ఉండగా.. ఇటు మహేష్.. ఈ సినిమా కోసం మేకోవర్ మార్చే పనిలో ఉన్నాడు. గత కొంత కాలంగా మహేష్ బాబు.. సినిమా సినిమాకు మేకోవర్ ను మారుస్తూ వస్తున్నాడు. గుంటూరు కారంలో లైట్ ట్రిమ్మింగ్ గడ్డంతో మాస్ లుక్ లో కనిపించాడు. ఇక ఇప్పుడు ssmb29 కోసం పొడువైన గడ్డం, జుట్టు పెంచుతున్నాడు.

తాజాగా ఆ లుక్ నే మహేష్ దాచేస్తున్నాడు. కుటుంబంతో కలిసి యూరప్  వెకేషన్ కు వెళ్లిన మహేష్.. ఒక ఫోటోను అభిమానులతో షేర్ చేసుకున్నాడు. కూతురు సితార వెనుక నుంచి గట్టిగా హత్తుకొని పట్టుకోగా.. ఆమె నవ్వుతూ చూస్తుంది. ఇక మహేష్ తన కొత్త లుక్ కనిపించకుండా.. సీతూ పాప వెనుక దాక్కున్నట్లు కనిపించాడు. సరిగ్గా కనిపించకపోయినా.. పొడవాటి జుట్టు, గడ్డంతో మహేష్ ఉన్నట్లు తెలుస్తోంది. దీంతో అభిమానులు ssmb29 కోసం మహేష్ గట్టిగానే ప్లాన్ చేస్తున్నాడు అని కొందరు.. సితార.. నీ వెనుక ఉన్న కుర్రాడు ఎవరు అని ఇంకొందరు కామెంట్స్ పెడుతున్నారు. త్వరలోనే ఈ సినిమా సెట్స్ మీదకు వెళ్లనుంది. మరి ఈ సినిమాతో మహేష్ ఎలాంటి రికార్డులు బద్దలు కొడతాడో చూడాలి.

Share

• 
• 
• 
• 
• 
•