Malli Pelli release date:- వార్త‌ల్లో వ్యక్తిగా నిలుస్తోన్న సీనియ‌ర్ నరేష్, త‌న స‌హ న‌టి ప‌విత్రా లోకేష్‌తో స‌హ జీవ‌నం చేస్తోన్న సంగ‌తి తెలిసిందే. ఈ విష‌యంపై ఆయన మూడో భార్య ర‌మ్యా ర‌ఘుప‌తి చాలా గొడవే చేసింది. సోషల్ మీడియాకెక్కింది. ఇంటర్వ్యూలు ఇచ్చింది. తాను విడాకులు ఇవ్వనని తేల్చి చెప్పేసింది. మరో మూడో భార్య నుంచి విడాకులు కోరుతూ నరేష్ కోర్టు మెట్లు ఎక్కిన సంద‌ర్భంలో ఆయన చేసిన మరో ప‌ని అంద‌రినీ ఆశ్చ‌ర్య‌ప‌రిచింది. ఆయన త‌న సొంత క‌థ‌తోనే సినిమాను నిర్మించ‌టం మొద‌లు పెట్టారు. ఆయన ఈ విష‌యాన్ని బ‌హిరంగంగా ఎక్క‌డా చెప్ప‌లేదు. కానీ.. రీసెంట్‌గా విడుద‌లైన టీజ‌ర్ చూస్తుంటేనే అర్థం చేసుకోవ‌చ్చు. ఈ టీజ‌ర్‌కు కూడా మంచి స్పంద‌న వ‌చ్చింది.
మళ్ళీ పెళ్లి సినిమా ద్వారా నరేష్ ఏం చెప్పాల‌నుకుంటున్నార‌నేది కాస్త అర్థ‌మైన‌ప్ప‌టికీ పూర్తి సారాంశం మాత్రం ఏంట‌నేది తెలియ‌టం లేదు. మ‌రి దీనిపై ఆయన ఎలా స్పందిస్తారో చూడాలిక. అయితే తాజాగా మళ్ళీ పెళ్లి రిలీజ్ డేట్‌ను ప్ర‌క‌టించారు సీనియ‌ర్ నరేష్. మే 26న ఈ చిత్రాన్ని విడుద‌ల చేయ‌బోతున్న‌ట్లు అనౌన్స్ చేశారు. ఎం.ఎస్‌.రాజు ఈ చిత్రానికి ద‌ర్శ‌క‌త్వం వ‌హించ‌టం విశేషం. ఆస‌క్తిక‌ర‌మైన విష‌యమేమంటే.. మళ్ళీ పెళ్లి చిత్రంతో నరేష్ నిర్మాత‌గా మారారు. విజ‌య కృష్ణ బ్యాన‌ర్‌పై సినిమాను నిర్మిస్తున్నారు.
మళ్ళీ పెళ్లి ట్రైల‌ర్‌ను కూడా త్వ‌ర‌లోనే విడుద‌ల చేయ‌టానికి సిద్ధ‌మ‌య్యారు. ఆ డేట్‌ను కూడా త్వ‌ర‌లోనే అనౌన్స్ చేయ‌బోతున్నారు. ఏదైతేనేం నరేష్ త‌న ప‌ర్స‌న‌ల్ లైఫ్‌లో జ‌రిగిన విష‌యాల పైనే మళ్ళీ పెళ్లి సినిమాను రూపొందించారా? లేక మ‌రేదైనా క‌థాంశ‌మా? అనేది తెలియాలంటే కొన్నాళ్లు ఆగాల్సిందే. మ‌రి ఈ సినిమాపై నరేష్ మూడో భార్య ర‌మ్యా ర‌ఘుప‌తి ఎలా రియాక్ట్ అవుతుంద‌నేది చూడాలి మ‌రి.