Mallika Jagula: సినిమా ఒక రంగుల ప్రపంచం. హీరోయిన్లకు ఇదొక ముళ్ల జీవితం. మంచిగా ఉన్నంతవరకు బాగానే ఉంటుంది. ఒకసారి దేనికైనా నో చెప్పారు అంటే.. వారి జీవితం మరోలా ఉంటుంది. ఇలా నో అని చెప్పినవారందరూ.. ఏ స్థాయిలో ఉన్నారో అందరికి తెల్సిందే. ఇండస్ట్రీ అంటేనే క్యాస్టింగ్ కౌచ్. ఈ లైంగిక వేధింపులను ఎదుర్కొని హీరోయిన్ ఉండదు అంటే అతిశయోక్తి కాదు. పరోక్షంగానో, ప్రత్యేక్షంగానో.. కచ్చితంగా క్యాస్టింగ్ కౌచ్ ను ఎదుర్కొని ఉంటారు. కొంతమంది బయటపడతారు. ఇంకొంతమంది బయటపడరు. తాజాగా బుల్లితెర నటి మల్లిక.. తాను కూడా క్యాస్టింగ్ కౌచ్ బాధితురాలినే అని చెప్పుకొచ్చింది.
మల్లిక జాగుల.. చాలా సినిమాల్లో వ్యాంప్ క్యారెక్టర్స్ చేసి మెప్పించింది. ఇక బుల్లితెరపై విలన్ గా కనిపిస్తూ మంచిపేరునే తెచ్చుకుంది. అయితే గత కొంతకాలంగా ఆమె సీరియల్స్ లో కూడా కనిపించడం లేదు. తాజాగా ఒక ఇంటర్వ్యూలో తన బాధను వెళ్లగక్కింది. ఈ మధ్య అందరూ బెంగుళూరు నుంచి నటీనటులను తెచ్చుకుంటున్నారని, తెలుగువారిని అస్సలు పట్టించుకోవడం లేదని వాపోయింది. ఛాన్స్ లు లేక.. చేతిలో డబ్బులు లేక.. డిప్రెషన్ లోకి వెళ్ళిపోయాను అని, కనీసం నిలబడలేని స్థితిలో ఉండేసరికి హాస్పిటల్ లో జాయిన్ చేయడం జరిగిందని, చచ్చి బతికాను అని చెప్పుకొచ్చింది.
“కరోనా తరువాత ఎన్నో ఇబ్బందులు పడ్డాను. అవకాశాలు లేక చీరలు అమ్మాను. మళ్లీ నా జీవితం మొదటికే వచ్చింది అనిపించింది. 19 ఏళ్ల అనుభవం.. అవకాశాలు లేవు. ఎంతో కుంగిపోయాను. వేరే ఏదైనా పనిచేద్దామని వెళ్తే అవమానించారు. చులకనగా చూసారు. ఇండస్ట్రీలో ఉన్నవాళ్లను చూసి ఏదో డబ్బు ఉందని అనుకుంటారు కానీ, అదేం ఉండదు. ఇక నేను చాలా సినిమాల్లో వ్యాంప్ క్యారెక్టర్స్ చేశాను. మొదట నాకు మంచి పాత్రలే వచ్చాయి. అయితే నన్ను కమిట్ మెంట్ అడిగారు. దానికి నేను ఒప్పుకోలేదు. నెలరోజులు టార్చర్ పెట్టారు. అందుకే సినిమాలువదిలేసి సీరియల్స్ లో నా పాత్ర ద్వారా నేనెంటో చూపించాను. ఒళ్ళు అమ్ముకోలేదు.. ఒళ్ళు చూపించాను అంతే” అంటూ చెప్పుకొచ్చింది. ప్రస్తుతం ఈ వ్యాఖ్యలు నెట్టింట వైరల్ గా మారాయి.
Share
Janasena: విశాఖ సౌత్ బరిలో వంశీకృష్ణ శ్రీనివాస్ .. మరో అభ్యర్థిని ప్రకటించిన జనసేన..
INDIA Bloc Maharally: లోక్‌సభ ఎన్నికల్లో బీజేపీ మ్యాచ్ ఫిక్సింగ్.. ధనిక మిత్రులతో కలిసి మోదీ నిర్ణయం: రాహుల్ గాంధీ
