Manchu: మంచు ఫ్యామిలీలో చిచ్చు రేగింది. మంచు పర్వతం ఇంకా రగులుతూనే ఉంది. మనోజ్ సహాయకుడు సారధిని విష్ణు చితక్కొట్టడం.. అది వీడియో తీసి మనోజ్ సోషల్ మీడియాలో పోస్ట్ చేయడం కలకలం రేపింది. మోహన్‌బాబు రంగంలోకి దిగి మనోజ్‌తో ఆ వీడియో డిలీట్ చేయించినా.. అప్పటికే జరగాల్సిన నష్టం జరిగిపోయింది. ఆ వీడయో ఫుల్ వైరల్ అయింది. మంచు ఫ్యామిలీలో గొడవ.. మీడియాకు, జనాలకు ఫుల్ టైమ్‌పాస్ ఇచ్చింది.
మంచు బ్రదర్స్ మధ్య గొడవేంటి? సారధిని విష్ణు ఎందుకు కొట్టాడు? అనే దానిపై ఇంకా క్లారిటీ రాలేదు. కారణం ఏదైతేనేం.. అన్నదమ్ములు కొట్టుకున్నారు.. అందులోనూ మంచు ఫ్యామిలీలో ఫైటింగ్ అంటే మామూలు విషయం కాదు. మోహన్‌బాబు, మంచు లక్ష్మిలు బ్రదర్స్‌ను కాంప్రమైజ్ చేస్తున్నారంటూ ప్రచారం జరిగింది. కానీ, అలాంటిదేమీ లేదనేలా.. మనోజ్ చేసిన ట్వీట్ మళ్లీ వైరల్ అవుతోంది.
Live and let live 🙏🏼.. అంటూ మంచు మనోజ్ ట్విటర్‌లో కామెంట్ చేశాడు. ‘బతుకు బతికనివ్వు’ అంటే.. అది అన్నను ఉద్దేశించేనా? అనే చర్చ మొదలైంది. విష్ణు తన విషయాల్లో అనవసరంగా జోక్యం చేసుకుంటున్నాడనేది మనోజ్ ఫీలింగ్ అని అంటున్నారు. అంటే, అన్నదమ్ముల వార్‌కు ఇప్పట్లో ఎండ్‌కార్డ్ పడేలా లేదంటున్నారు.
కామెంట్‌తో పాటు రెండు కొటేషన్లు కూడా పోస్ట్ చేశాడు మనోజ్. ‘తప్పుల మధ్య నిష్క్రియంగా జీవించండి కంటే, ఒప్పు కోసం పోరాడు’ అంటూ ఓ కొటేషన్ యాడ్ చేయడంపై చర్చ జరుగుతోంది. ఇది కూడా విష్ణును టార్గెట్ చేస్తూనే పెట్టాడంటూ కామెంట్లు పెడుతున్నారు. అసలు మీ ఇద్దరి మధ్య గొడవేంటి? ఇప్పుడు కాంప్రమైజ్ అయ్యారా? అంటూ నెటిజన్లు ఆసక్తిగా అడుగుతున్నారు.
Share
Covid: దేశంలో కరోనా హైఅలర్ట్.. రాష్ట్రాలను అప్రమత్తం చేసిన కేంద్రం..
NEWS: ఫటాఫట్ చోటాన్యూస్.. ఏపీ, తెలంగాణ రౌండప్..
