Nandamuri Balakrishna: నందమూరి బాలకృష్ణ సినిమాలకు బ్రేక్ ఇవ్వనున్నాడా.. ? అంటే, నిజమే అన్న వార్తలు వినిపిస్తున్నాయి. కుర్రహీరోలకు ధీటుగా బాలయ్య వరుస సినిమాలను చేస్తూ హిట్స్ అందుకుంటున్నాడు. వీరసింహా రెడ్డి, భగవంత్ కేసరి.. ఇలా హిట్స్ అందుకుంటూ వస్తున్నాడు. ఇక ప్రస్తుతం బాలయ్య చేతిలో మూడు సినిమాలు ఉన్నాయి. అయితే ఒకపక్క సినిమాల్లోనే నటిస్తూనే.. బాలయ్య రాజకీయాల్లో ఉన్న విషయం తెల్సిందే. హిందూపురం ఎమ్మెల్యేగా బాలయ్య కొనసాగుతున్నాడు.
ఇక మరోసారి హిందూపురం నియోజకవర్గం నుంచి బాలయ్య పోటీకి దిగాడు. ఏపీ ఎలక్షన్స్ దగ్గరపడుతున్న వేళ.. బాలయ్య ఎలక్షన్స్ మీద ఫోకస్ చేయనున్నాడు. ఇందుకోసమే బాలకృష్ణ సినిమాలకు గ్యాప్ ఇచ్చినట్లు తెలుస్తోంది. ఇప్పటికే ప్రచారాలు మొదలుపెట్టినట్లు సమాచారం. ఎన్నికలు అయ్యేవరకు బాలయ్య.. సెట్స్ లో అడుగుపెట్టడు అని తెలుస్తోంది.
ఇప్పటికే సెట్స్ మీద ఉన్న NBK109 కు కూడా కొద్దిగా గ్యాప్ ఇచ్చాడంట బాలయ్య. పూర్తిగా ఎన్నికల ప్రచారం అయ్యాక మళ్లీ ఆ సెట్స్ లో అడుగుపెట్టనున్నాడు. ఈ సినిమాకు బాబీ దర్శకత్వం వహిస్తున్నాడు. దీని తరువాత బోయపాటి తో అఖండ 2 సిద్ధంగా ఉంది. ఈ రెండు కాకుండా కుర్ర డైరెక్టర్లు కథలు చెప్పడానికి సిద్ధంగా ఉన్నారని సమాచారం. మరి బాలయ్య ఈసారి కూడా హిందూపురంలో విజయ కేతనం ఎగురవేస్తాడా.. ? లేదా.. ? అనేది తెలియాల్సి ఉంది.