Annapoorani : ఓటీటీ నుంచి నయనతార సినిమా అవుట్.. నిర్మాణ సంస్థ క్లారిటీ..

Annapoorani : సౌత్ ఇండియా లేడీ సూపర్ స్టార్ నయనతార నటించిన అన్నపూరణి సినిమా.. ఆమెకు కొత్త చిక్కుల్ని తెచ్చిపెట్టింది. ఈ సినిమాలో నయనతార ప్రధానపాత్ర పోషించింది. నెట్ ఫ్లిక్స్ లో ఈ సినిమా విడుదలవ్వగా.. తన సహజమైన నటనతో నయన్ అందరినీ ఆకట్టుకుంది. కానీ.. ఊహించని రీతిలో వచ్చిన వివాదం కారణంగా సినిమాను చిత్రనిర్మాణ సంస్థ అయిన జీ స్టూడియోస్.. ఓటీటీ స్ట్రీమింగ్ ప్లాట్ ఫామ్ నుంచి తొలగించింది. అందుకు వివరణ కూడా ఇచ్చింది.

నయనతార 75వ చిత్రంగా అన్నపూరణి.. ది గాడెస్ ఆఫ్ ఫుడ్ అనే ట్యాగ్ లైన్ తో విడుదలైంది. నీలేష్ కృష్ణ దర్శకత్వం వహించిన ఈ సినిమాలో సత్యరాజ్, జై కీలక పాత్రలు పోషించారు. సంప్రదాయ కుటుంబంలో జన్మించిన ఒక అమ్మాయి.. చెఫ్ గా ఎదగాలనుకున్న తన కలను ఎలా సాకారాం చేసుకుంది ? అడ్డంకులను ఎలా అధిగమించింది? అన్న కోణంలో చిత్రాన్ని తెరకెక్కించారు.

అయితే.. సినిమాలోని కొన్ని సన్నివేశాలు మత విద్వేషాలను దెబ్బతీసేలా ఉన్నాయంటూ.. విశ్వహిందూ పరిషత్ సభ్యులు అభ్యంతరాలు వ్యక్తం చేశారు. రమేశ్ సోలంకి సినిమాపై కేసు పెట్టడంతో.. వివాదం మరింత పెరిగింది. దాంతో చిత్రనిర్మాణ సంస్థ అన్నపూరణిని ఓటీటీ నుంచి తొలగించింది. మత విశ్వాసాలని దెబ్బతీసి, విద్వేషాలను పెంచాలన్న ఉద్దేశం తమకు లేదని వివరణ ఇచ్చి, తమ సినిమా ఎవరినైనా ఇబ్బందులకు గురిచేసి ఉంటే క్షమించాలని కోరింది.

Share

• 
• 
• 
• 
• 
•