Kanguva 2: కోలీవుడ్ స్టార్ హీరో సూర్య, దిశా పటానీ జంటగా నటిస్తున్న చిత్రం కంగువ. శివ దర్శకత్వం వహిస్తున్న ఈ చిత్రాన్ని స్టూడియో గ్రీన్ బ్యానర్ మరియు యూవీ క్రియేషన్స్ బ్యానర్స్ పై కె.ఇ. జ్ఞానవేల్ రాజా వంశీ-ప్రమోద్ సంయుక్తంగా నిర్మిస్తున్నారు. ఇక ఈ చిత్రంలో బాబీ డియోల్ విలన్ గా నటిస్తున్నాడు.
ఇప్పటికే ఈ చిత్రం నుంచి రిలీజైన పోస్టర్స్, టీజర్, సాంగ్ ప్రేక్షకులను విశేషంగా ఆకట్టుకున్నాయి. ఇక ఈ సినిమా అక్టోబర్ 10 న రిలీజ్ కు రెడీ అవుతుంది. ఇక ఇదే రోజున కంగువతో పాటు మరికొన్ని సినిమాలు రిలీజ్ కానున్నాయి. దీని గురించి నిర్మాత జ్ఞానవేల్ రాజా ఒక ఇంటర్వ్యూలో ఆసక్తికరమైన వ్యాఖ్యలు చేశాడు. ఇప్పుడంటే కంగువ సినిమాకు పోటీ వస్తున్నారు కానీ, కంగువ 2 కు మాత్రం ఎవరు పోటీ రాలేరు అని చెప్పుకొచ్చాడు.
“కంగువ కథ గురించి ఎవరికి తెలియదు కాబట్టి మిగతా సినిమాలు పోటీకి వస్తున్నాయి. కానీ, కంగువ 2 కు మాత్రం ఎవరు పోటీకి వచ్చే ధైర్యం చేయలేరు. ఈ విషయం ఎంతో నమ్మకంగా చెప్తున్నాను. సినిమాలో అంత మంచి కంటెంట్ ఉంది” అని చెప్పుకొచ్చాడు. అయితే జ్ఞానవేల్ రాజా ఇలా చెప్పడం మొదటిసారి కాదు. మొదటి నుంచి కూడా కంగువ గురించి నిర్మాత ఇలానే చెప్పుకొస్తున్నాడు.
సూర్య సినిమా రూ.1000 కోట్లు సాధించడమే లక్ష్యమని, పార్ట్ 1 హిట్ అయితే సీక్వెల్ ప్లాన్ చేస్తామని తెలిపాడు. ప్రస్తుతం ఈ వ్యాఖ్యలు నెట్టింట వైరల్ గా మారాయి. ఇక ఈ వ్యాఖ్యలు విన్న నెటిజన్స్ కాన్ఫిడెంట్ ఉండొచ్చు కానీ, ఓవర్ కాన్ఫిడెంట్ ఉండకూడదని కామెంట్స్ చేస్తున్నారు. మరి ఈ సినిమా నిర్మాత చెప్పినట్లు ఉంటుందో లేదో చూడాలి.
Share
Wayanad Landslide Tragedy: వయనాడ్కు ఆపన్న హస్తం.. నెల వేతనం ప్రకటించిన ఎమ్మెల్యేలు
Lucky Rashi from 5 August: రేపు సూర్య రాశిలోకి బుధుడు.. వరుసగా 24 రోజులు 3 రాశుల వారు పట్టిందల్లా బంగారమే..
