Salaar Hungama: సలార్ రిలీజ్.. థియేటర్ల వద్ద ఫ్యాన్స్ హంగామా

Salaar Hungama: రెబల్ స్టార్‌ ప్రభాస్‌ సలార్‌.. మూవీ మానియాతో తెలుగు రాష్ట్రాలు ఊగిపోతున్నాయి. భారీ అంచనాల మధ్య ఇవాళ ప్రపంచ వ్యాప్తంగా ఈ సినిమా రిలీజ్‌ అయ్యింది. సినిమా బెనిఫిట్ షో లకు కూడా ప్రభుత్వం గ్రీన్ సిగ్నల్ ఇవ్వడంతో.. ఫ్యాన్స్ ఊర మాస్ సెలబ్రేషన్స్ తో రచ్చ రచ్చ చేస్తున్నారు. ఇప్పటికే ప్రీమియర్‌ షోలు పడటంతో ప్రేక్షకుల అరుపులు, కేకలతో థియేటర్లు దద్దరిల్లుతున్నాయి. సినిమా సూపర్‌ హిట్‌ అంటూ కొందరు టపాసులు కాలుస్తూ సంబరాలు చేసుకుంటున్నారు.

ప్రపంచ వ్యాప్తంగా 7వేల థియేటర్లలో రిలీజ్ అవుతున్న ఈ మూవీ తెలుగు రాష్ట్రాలతో పాటు.. దేశ వ్యాప్తంగా కూడా మంచి బజ్ ఏర్పడింది. హైదరాబాద్ సహా పలు ప్రాంతాల్లో బెనిఫిట్ షో లను అనుమతులు ఇవ్వడంతో.. ప్రభాస్ మాస్ సంభవం అంటూ నిన్న రాత్రి నుంచే ఫ్యాన్స్ అంతా దుమ్ము లేపే రేంజ్ లో హడావిడి చేస్తున్నారు. థియేటర్ల వద్దకు పెద్ద ఎత్తున అభిమానులు చేరుకొని డప్పులతో మోత మోగిస్తూ.. టపాసులు పేలుస్తూ సెలబ్రేషన్స్ చేస్తున్నారు.

బాహుబలి తర్వాత వచ్చిన సాహో, రాధే శ్యామ్, ఆదిపురుష్ సినిమాలు ప్రభాస్ ఫ్యాన్స్ కి నిరాశ మిగల్చడంతో అభిమానులంతా ఈ సినిమా పైనే ఆశలు పెట్టుకున్నారు. ఇక ప్రీమియర్స్‌ చూసిన ప్రేక్షకులు పాజిటివ్‌ టాక్‌తో సోషల్‌ మీడియాలో పోస్టులు పెడుతున్నారు. సినిమా బ్లాక్ బస్టర్ అంటూ ఫ్యాన్స్ అంతా ఫుల్ ఖుషి అవుతున్నారు.

కేజీఎఫ్ డైరక్టర్ ప్రశాంత్ నీల్ దర్శకత్వంలో ప్రభాస్ చేస్తున్న ఈ సినిమాలో శృతి హాసన్ హీరోయిన్ గా నటిస్తుండగా.. మలయాళ స్టార్ యాక్టర్ పృథ్వీరాజ్ సుకుమారన్, జగపతి బాబు కీలక పాత్రలు పోషించారు. రవి బర్సూర్ ఈ సినిమాకు స్వరాలు సమకూర్చగా.. హోంబలే ఫిల్మ్స్ ఈ చిత్రాన్ని కూడా భారీ బడ్జెట్ తో తెరకెక్కించారు. ఇక ఈ చిత్రాన్ని తెలుగు, తమిళం, మలయాళం, హిందీ, కన్నడ భాషల్లో స్థాయిలో రిలీజ్‌ చేశారు.