Kalki 2898 AD Another Record: పాన్ ఇండియా స్టార్ ప్రభాస్ నటించిన ‘కల్కి’ బాక్సాఫీసు వద్ద ఇంకా దూకుడు ప్రదర్శిస్తోంది. జూన్ 27న ప్రపంచ స్థాయిలో రిలీజ్ అయిన సినిమా ఎన్నో రికార్డులను సైతం కొళ్లగొట్టింది. తాజాగా మరొక రికార్డును కల్కి సినిమా తన ఖాతాలో వేసుకుంది. ఇది ఇండియన్ సినిమా హిస్టరీలో రికార్డు అంటూ తెలుస్తోంది. అదేంటో ఇప్పుడు తెలుసుకుందాం.
ప్రభాస్ – నాగ్ అశ్విన్ కాంబినేషన్‌లో తెరకెక్కిన ‘కల్కి 2898 ఏడీ’ సినిమా జూన్ 27న రిలీజ్ అయింది. ఫస్ట్ షో నుంచే పాజిటివ్ టాక్ తెచ్చుకుంది. దీంతో బాక్సాఫీసు వద్ద కలెక్షన్ల వర్షం కురిపిస్తోంది. ఇందులో ప్రభాస్ లుక్ చూసి ప్రేక్షకులు, అభిమానులు ఫిదా అయిపోయారు. ఇంత వరకు అలాంటి లుక్‌లో ప్రభాస్‌ను చూడలేదని.. ఇప్పుడు ఆ అవకాశాన్ని అందించిన దర్శకుడు నాగ్ అశ్విన్‌కు ధన్యవాదాలు తెలిపారు. ఇందులో ప్రభాస్ పాత్రకు ధీటుగా అమితాబ్ బచ్చన్ పాత్ర చాలా ఆసక్తికరంగా ఉంది. వారిద్దరి మధ్య వచ్చే యాక్షన్ సన్నివేశాలు సినిమాకే హైలైట్‌గా నిలిచాయి.
ప్రభాస్ – అమితాబ్ బచ్చన్‌ల మధ్య ఫైట్ సీక్వెన్స్‌లో విజువల్ ఎఫెక్ట్స్‌ జోడించిన తీరు అచ్చం హాలీవుడ్ రేంజ్‌లో ఉంటూ సినీ ప్రియుల్ని బాగా అట్రాక్ట్ చేశాయి. సినిమా చూసిన ప్రియులు ఇది టాలీవుడ్ సినిమానా అనేంతలా ఆశ్చర్యపోయారు. ఇలాంటి ఒక విజువల్ వండర్ సినిమాను టాలీవుడ్ ఇండస్ట్రీ నుంచి అందించిన దర్శకుడు నాగ్ అశ్విన్‌కి ప్రతి ఒక్కరూ సెల్యూట్ చేశారు. ఇకపోతే ఇప్పటికీ ఈ సినిమా బాక్సాఫీసు వద్ద దుమ్ము దులిపేస్తుంది. రిలీజ్ అయి దాదాపు మూడు వారాలు అవుతున్నా క్లౌడ్ మాత్రం తగ్గలేదు. ఇప్పటికీ థియేటర్లలో సెన్సేషనల్ కలెక్షన్లతో అదరగొడుతూ.. రికార్డుల వర్షం కురిపిస్తోంది.
Also Read: 1000 కోట్ల క్లబ్ లో కల్కి.. స్పెషల్ వీడియో.. ప్రభాస్ తేజస్సు చూశారా..? ఎలా మెరిసిపోతుందో..!
కేవలం 2 వారాల్లోనే ప్రపంచ వ్యాప్తంగా రూ.1000 కోట్ల గ్రాస్ రాబట్టి అబ్బురపరచింది. విడుదలైన అన్ని ఏరియాల్లో బ్రేక్ ఈవెన్ అందుకుని నిర్మాతలకు లాభాల పంట పండించింది. కాగా ప్రస్తుతం పెద్ద సినిమాలేవి లేకపోవడంతో కల్కికి కలిసొచ్చిందనే చెప్పాలి. అందులోనూ ఇటీవల విడుదలైన ఇండియన్ 2 సినిమా కూడా బాక్సాఫీసు వద్ద ఘోరమైన ఫ్లాప్ టాక్ తెచ్చుకోవడంతో చాలామంది కల్కిపైనే ఆసక్తి చూపించారు. దీంతో కలెక్షన్లు మరింత పుంజుకున్నాయి.
ఇక ఇప్పటికే ఎన్నో రికార్డులను సైతం కొళ్లగొట్టిన ఈ సినిమా తాజాగా మరో అరుదైన రికార్డును తన పేరిట లిఖించుకుంది. ఓ వైపు కలెక్షన్లలో దుమ్ము దులిపేస్తూ మరో వైపు టికెట్ల సేల్స్‌లో అదరగొడుతోంది. తాజాగా ప్రముఖ టికెట్ల బుకింగ్ యాప్ బుక్ మై షోలో కల్కి జూన్ 27 నుంచి జూలై 17 వరకు మొత్తంగా 12.15 మిలియన్ల టికెట్లు సేల్ అయ్యాయి. ఈ విషయాన్ని బుక్ మై షో తాజాగా తెలిపుతూ.. ఇండియన్ సినిమా హిస్టరీలో రికార్డు, బుక్ మై షోలో కూడా సెన్సేషనల్ రికార్డు అని రాసుకొచ్చింది. అయితే బుక్ మై షోలో టికెట్ల బుకింగ్స్‌లో ఇప్పటి వరకు అత్యధిక టికెట్స్ సేల్ అయిన సినిమాగా షారుఖ్ ఖాన్ జవాన్ (12.01 మిలియన్) ఉండగా.. ఇప్పుడు ఆ రికార్డును ప్రభాస్ కల్కి కేవలం 20 రోజుల్లోనే (12.15 మిలియన్) బద్దలు కొట్టి మరో సరికొత్త రికార్డును క్రియేట్ చేశాడు.
Share
Entertainent:వెయ్యి కోట్లు మాకెందుకు రావు అంటున్న కోలీవుడ్, మాలీవుడ్
AP news:విశాఖ జనానికి షాకిస్తున్న టమాటా ధరలు
