The Kashmir Files: ‘ది కాశ్మీర్ ఫైల్స్’.. చిన్న సినిమాగా రిలీజ్ అయి బాక్సాఫీస్ వద్ద ప్రభంజనం సృష్టించిన చిత్రం. దేశవ్యాప్తంగా సంచలనం సృష్టించిన సినిమా. డైరెక్టర్ వివేక్ అగ్నిహోత్రి కశ్మీర్ పండిట్స్పై జరిగిన ఆకృత్యాల నేపథ్యంలో ఈ మూవీని తెరకెక్కించారు. పోయిన ఏడాది మార్చిలో తెరకెక్కిన ఈ మూవీ పాజిటీవ్ టాక్తో భారీగా వసూళ్లను రాబట్టింది.
అయితే ఈ మూవీపై నటుడు ప్రకాశ్ రాజ్ సంచలన వ్యాఖ్యలు చేశారు. కేరళలో నిర్వహించిన మాతృభూమి ఇంటర్నేషనల్ ఫెస్టివల్ ఆఫ్ లేటర్స్ ఇన్ కేరళ కార్యక్రమంలో మాట్లాడుతూ.. ‘‘ఈ సినిమాను ఎవరు నిర్మించారో మాకు తెలుసు. అది ఒక చెత్త సినిమా. ఇంటర్నేషనల్ జ్యూరీ కూడా ఈ చిత్రాన్ని అస్సలు పట్టించుకోలేదు. ఆ మూవీ డైరెక్టర్ వివేక్ అగ్నిహోత్రి ఇప్పటికీ నాకు ఎందుకు ఆస్కార్ రాలేదని మాట్లాడుతున్నాడు. అతడికి ఆస్కార్ కాదు కదా.. భాస్కర్ కూడా రాదు. ఇలాంటి సినిమాలు తీయడానికి కొందరు రూ. 2000 కోట్లు పెట్టుబడి పెడుతున్నారని నాకు తెల్సింది’’ అంటూ వ్యాఖ్యానించారు. ఈ వ్యాఖ్యలు ప్రస్తుతం ఇండస్ట్రీలో సంచలనంగా మారాయి.
Share
Basketball:బాస్కెట్బాల్లో 40 ఏళ్ల రికార్డు బద్దలు
Kotamreddy: వైసీపీ నుంచి పోటీ చెయ్యను.. దానిపై ఆదాల స్పష్టత ఇవ్వాలి: కోటంరెడ్డి
