పుష్ప. తగ్గేదేలే. ఈ డైలాగ్‌కు ఇండియా వైడ్ రీసౌండ్ వచ్చింది. పుష్ప మేనియా పాన్ ఇండియా వైజ్ దుమ్ము రేపింది. ఇప్పుడు ఏకంగా జాతీయ ఉత్తమ నటుడు అవార్డు కూడా వరించింది. దటీజ్ అల్లు అర్జున్. అలియాస్ బన్నీ. తగ్గేదేలే.
హీరో అంటే టిప్ టాప్‌గా ఉండాలి. నీట్‌గా, స్టైల్‌గా కనిపించాలి. మ్యాన్లీగా ఉండాలి. అమ్మాయిల వెంటపడాలి. ఫ్యామిలీ డ్రామా రక్తికట్టించాలి. డ్యాన్సులు, ఫైట్లు ఇరగదీయాలి. అన్నిటికంటే ముఖ్యంగా.. సిక్స్ ప్యాక్స్‌తో బాడీ బిల్డర్‌లా ఉండాలి.. అనేది అవుట్‌డేటెడ్ కాన్సెప్ట్. పుష్పతో స్టైలిష్ స్టార్.. హీరో క్రేజ్‌ను మార్చేశారు. పక్కా మాస్‌గా కనిపించి.. కిరాక్ లేపారు.
పెరిగిన జుట్టు, నెరిసిన గడ్డం, కాస్త అంగవైకల్యం, ఒంటిపై బనీను, పాతకాలంనాటి పూల చొక్కాలు, నుదిట బొట్టు. అయితేనేం.. హీరో అంటే వీడేరా అనిపించేలా ఇరగదీశాడు పుష్ప. మాస్ మేనరిజంతో.. హీరోయిజానికి సరికొత్త డెఫినేషన్ చెప్పాడు. ఇండియాను షేక్ చేశాడు. డైలాగ్ డెలివరీతో దుమ్ము రేపాడు. తగ్గేదేలే.. అంటూ తనదైన సిగ్నేచర్ స్టైల్‌తో పుష్ప బ్రాండ్ క్రియేట్ చేశాడు. అందుకే, పుష్ప కలెక్షన్ల సునామీ క్రియేట్ చేసింది. అల్లు అర్జున్‌ను పాన్ ఇండియా స్టార్‌ను చేసేసింది. ఇదిగో.. ఇప్పుడు ఏకంగా తెలుగు నుంచి తొలిసారి జాతీయ ఉత్తమ అవార్డు సాధించిన హీరోగా చరిత్రలో నిలబెట్టింది.
బన్నీతో పాటు ఆయన బెస్ట్ ఫ్రెండ్ దేవీశ్రీ ప్రసాద్‌కు సైతం ఇదే సినిమాకు బెస్ట్ మ్యూజిక్ డైరెక్టర్ అవార్డు రావడం డబుల్ ధమాకా. ఊ అంటావా మావా.. చూపే బంగారమాయేగా శ్రీవల్లీ.. ఏ బిడ్డా ఇది నా అడ్డ.. లాంటి పాటలు యావత్ దేశాన్ని ఊపేశాయి. అందుకే, జాతీయ సినీ అవార్డు కూడా వరించింది. ఇలా ఇద్దరు స్నేహితులు.. నేషనల్ అవార్డులతో తగ్గేదేలే అనిపించారు. మరి, పార్టీ లేదా పుష్ఫ.
Share
Chess WC 2023: జస్ట్ మిస్.. కార్ల్‌సన్‌పై ఓడి గెలిచిన ప్రజ్ఞానంద..
NTR Image on 100 Coin: ఎన్టీఆర్ రూ.100 నాణెం.. ఛలో ఢిల్లీ..
