Bhale Unnade Teaser: రాజ్ తరుణ్ భలే ఉన్నాడే టీజర్.. భలే ఉందే

Bhale Unnade Teaser: కుర్ర హీరో రాజ్ తరుణ్ గత కొంతకాలంగా విజయం కోసం ఎదురుచూస్తున్నాడు. సినిమాలు చేస్తున్నాడు కానీ, విజయాలు మాత్రం అందుకోలేకపోతున్నాడు. ఇక తాజాగా రాజ్ తరుణ్ నటిస్తున్న చిత్రం భలే ఉన్నాడే. శివసాయి వర్ధన్ దర్శకత్వం వహిస్తున్న ఈ చిత్రాన్ని NV కిరణ్ కుమార్ నిర్మిస్తున్నాడు. ఇక ఈ చిత్రంలో రాజ్ తరుణ్ సరసన మనీషా కంద్కూర్ నటిస్తోంది.

ఇప్పటికే ఈ చిత్రం నుంచి రిలీజైన పోస్టర్స్, ఫస్ట్ గ్లింప్స్ ప్రేక్షకులను విశేషంగా ఆకట్టుకోవడమే కాకుండా మంచి హైప్ తీసుకొచ్చింది. తాజాగా ఈ సినిమా టీజర్ ను మేకర్స్ రిలీజ్ చేశారు. టీజర్ ఆద్యంతం ఆకట్టుకుంటుంది. ఇంతకుముందు ఇలాంటి కథతో ఎలాంటి సినిమా రాలేదని చెప్పుకోవచ్చు. మహిళలు కట్టుకొనే చీరల షాప్స్ లో ఎక్కవ పురుషులే వర్క్ చేస్తూ ఉంటారు. అలాగే ఫ్యాషన్ డిజైనర్స్ లో ఎక్కువ మగవారే ఉంటారు. ఈ కథలో హీరో కూడా ఒక చిన్నపాటి ఫ్యాషన్ డిజైనర్ అన్నమాట.

పెళ్లి కూతుళ్ళకు చీరలు కట్టడం, మేకప్ చేయడం.. పెళ్ళికి కావాల్సిన పనులు చేయడం తన వృత్తి. అయితే నిత్యం అమ్మాయిలను తాకినా.. అతను మాతం అమ్మాయిల వంక చూడడు. ఇక అలాంటి హీరో లైఫ్ లోకి హీరోయిన్ వస్తుంది. అతడి బిహేవియర్ చూసి ప్రేమలో పడుతుంది. మరి చివరికి హీరోను మార్చగలిగిందా.. ? అతడి ప్రేమను పొందగలిగిందా.. ? అనేది సినిమా చూసి తెలుసుకోవాల్సిందే. రాజ్ తరుణ్ యాక్టింగ్ చాలా బావుంది. త్వరలోనే ఈ సినిమా ప్రేక్షకుల ముందుకు రానుంది. మరి ఈ సినిమాతో రాజ్ తరుణ్ ఎలాంటి విజయాన్ని అందుకుంటాడో చూడాలి.