Rana Daggubati :టాలీవుడ్, బాలీవుడ్, కోలీవుడ్లలో పలు చిత్రాలు చేసిన యాక్టర్ రానా దగ్గుబాటి. ఈ పాన్ ఇండియా యాక్టర్కి చేదు అనుభవం ఎదురైంది. అసలేమందనే వివరాల్లోకి వెళితే, బెంగుళూరుకి కుటుంబ సభ్యులతో ట్రావెల్ చేయటానికి రానా దగ్గుబాటి ఇండిగో ఎయిర్ లైన్స్లో టికెట్స్ బుక్ చేసుకున్నారు. శంషాబాద్ చేరుకుని చెక్ ఇన్ చేసుకున్నారు. ఫార్మాలిటీస్ పూర్తయిన తర్వా త విమానం ఆలస్యం అయ్యిందని సిబ్బంది తెలియజేశారు. మరో విమానంలో వెళ్లాలంటూ రిక్వెస్ట్ చేశారు. లగేజీ కూడా అదే ఫ్లైట్కి పంపుతామని ఇండిగో సిబ్బంది తెలియజేశారు. బెంగుళూరు చేరుకున్న తర్వాత రానా లగేజ్ రాలేదు. ఎక్కడో మిస్ అయ్యింది. లగేజ్ ఏమైందో సిబ్బంది కూడా సరిగ్గా చెప్పలేదు. దీంతో రానా ఇండిగో ఎయిర్ లైన్స్ సేవలపై ఫైర్ అయ్యారు.
‘‘ఇండిగో విమాన సేవలు సరిగ్గా లేవు. లగేజ్ మిస్ అయ్యింది. ట్రాకింగ్ సరిగ్గా లేదు. లగేజ్ ఎక్కడని ప్రశ్నిస్తే సిబ్బంది నుంచి సరైన సమాధానం లేదు. వారికే సరైన సమాచారం లేదు’’ అని రానా దగ్గుబాటి తన అసహనాన్ని ట్విట్టర్ వేదికగా ప్రకటించారు. మరి దీనిపై ఇప్పటి వరకు ఇండిగో ఎయిర్ లైన్స్ సిబ్బంది స్పందించలేదు. తర్వాత ఏమైందో తెలియదు కానీ.. రానా ఆ ట్వీట్ను తన ఖాతా నుంచి తొలిగించారు.