Roja Brahmaji: మినిష్ట‌ర్ రోజాకి బ్ర‌హ్మాజీ కౌంట‌ర్‌

Roja Brahmajiన‌టి, ప్ర‌స్తుత వైసీపీ మంత్రి రోజా సెల్వ‌మ‌ణికి టాలీవుడ్‌కి చెందిన క‌మెడియ‌న్‌, న‌టుడు బ్ర‌హ్మాజీ స్ట్రాంగ్ కౌంట‌రే ఇచ్చారు. అస‌లు రోజాకు బ్రహ్మాజీ ఎందుకు కౌంట‌ర్ ఇచ్చారు. ఏ సంద‌ర్భంలో, ఏమ‌ని కౌంట‌ర్ ఇచ్చార‌నే వివ‌రాల్లోకి వెళితే, ఈ మ‌ధ్య మెగా ఫ్యామిలీపై రోజా వ్యంగ్రాస్త్రాలు సంధించారు. మెగా ఫ్యామిలీకి స‌పోర్ట్‌గా హైప‌ర్ ఆది మాట్లాడారు. దాని గురించి రోజా మాట్లాడుతూ మెగా ఫ్యామిలీలో ఆరేడు మంది హీరోలున్నారు. అలాంటి వారికి వ్య‌తిరేకంగా మాట్లాడితే ఇండ‌స్ట్రీలో ఉండ‌నివ్వ‌రు. మెగా ఫ్యామిలీ అంటే చిన్న ఆర్టిస్టుల‌కు ప్రేమ కాదు.. భ‌యం అని అన్నారు. ఒక‌వేళ నిజంగా ప్రేమ ఉంటే.. మూవీ ఆర్టిస్ట్ అసోసియేష‌న్ ఎన్నిక‌ల్లో మెగా ఫ్యామిలీ స‌పోర్ట్ చేసిన ప్ర‌కాష్ రాజ్ ఎందుకు గెల‌వ‌లేదు. అంటే క్లియ‌ర్‌గా అర్థ‌మ‌వుతుంది క‌దా.. అని అన్నారు.

అయితే రోజా వ్యాఖ్య‌ల‌ను బ్ర‌హ్మాజీ డైరెక్ట్‌గా కాకుండా ఇన్ డైరెక్ట్‌గా ఖండించారు. త‌న సోష‌ల్ మీడియా మాధ్య‌మంలో ‘‘నన్నెవరూ మెగా ఫ్యామిలీకి క్యాంపెయిన్ చేయమని కోరలేదు. పార్టీలో చేరమనలేదు. అయినా చిన్న ఆర్టిస్టులే కదా అంత భయమెందుకు’’ అంటూ పోస్ట్ చేశారు బ్రహ్మాజీ. మెగా కుటుంబంతో బ్రహ్మాజీకి మంచి అనుబంధం ఉంది. ఆ కార‌ణంగా రోజా వ్యాఖ్య‌ల‌పై బ్ర‌హ్మాజీ కౌంట‌ర్ ఇచ్చేశారు. మ‌రిప్పుడు బ్ర‌హ్మాజీ కామెంట్స్‌పై రోజా ఏమైనా రియాక్ట్ అవుతారేమో చూడాలి.

Share

• 
• 
• 
• 
• 
•