Saindhav: సీనియర్ హీరో విక్టరీ వెంకటేష్ – శైలేష్ కొలను కాంబోలో తెరకెక్కిన లేటెస్ట్ మూవీ ‘సైంధవ్’. సంక్రాంతి సందర్భంగా జనవరి 13న ప్రేక్షకుల ముందుకు వచ్చింది. అయితే అదే సమయంలో గుంటూరు కారం, హనుమాన్, నా సామిరంగ చిత్రాలు విడుదలయ్యాయి. దీంతో సైంధవ్ చిత్రానికు మంచి టాక్ వచ్చినా.. పోటీలో పెద్ద సినిమాలు ఉండటంతో బాక్సాఫీసు వద్ద పెద్దగా ఆడలేకపోయింది.
ఇలాంటి స్టైలిష్ యాక్షన్ ఎంటర్టైనర్లను ఏ సినిమా పోటీలో లేకుండా సోలోగా రిలీజ్ చేస్తే మంచి హిట్ కొట్టేదని పలువురు అభిప్రాయపడుతున్నారు. ఏది ఏమైనా తన కెరీర్లో సూపర్ హిట్ మూవీగా నిలిచిపోతుందనుకున్న ‘సైంధవ్’ వెంకీమామకు చేదు జ్ఞాపకంగా మిగిలిపోయింది.
ఇప్పుడీ చిత్రం ఓటీటీలో స్ట్రీమింగ్కు సిద్ధమైపోయింది. ప్రముఖ ఓటీటీ ప్లాట్ ఫార్మ్ అమెజాన్ ప్రైమ్ వీడియోలో ఫిబ్రవరి 3 నుంచి తెలుగు, తమిళ భాషల్లో స్ట్రీమింగ్ కానుంది. ఇక అప్పుడు థియేటర్లలో ఈ సినిమాను మిస్ అయిన వారు.. ఇప్పుడు ఓటీటీలో చూసేయొచ్చు.
Share
Dev Raturi : చైనా పాఠ్యపుస్తకాల్లో భారతీయుడు!
Manickam Tagore : రేవంత్ రెడ్డికి సీఎం పదవిపై కామెంట్స్ .. కేటీఆర్ కు మాణిక్కం ఠాగూర్ లీగల్ నోటీస్..
