Samantha Birthday: టాలీవుడ్‌ హీరోయిన్ సమంత.. ఈ మూడు అక్షరాల పదం గురించి తెలియనివారు ఉండరు. అంతగా పాపులర్ అయ్యారామె. పుష్కరకాలంపైగానే కెరీర్ కంటిన్యూ చేసిన ఆమె, ఇప్పటికీ సక్సెస్ పుల్ హీరోయిన్‌గా కొనసాగుతోంది. ప్రొఫెషనల్‌గా కాకుండా పర్సనల్‌గా ఎన్నోసార్లు వార్తల్లోకి వచ్చేసింది ఈ బ్యూటీ.
తన గురించి ఎలాంటి నెగిటివ్ కామెంట్లు వచ్చినా అవేమీ పట్టించుకోకుండా ముందుకు సాగుతోందామె. రంగుల ప్రపంచంలో ఇవన్నీ సహజమేనని భావిస్తూ ముందుకు అడుగులు వేస్తోంది. ఇప్పుడొస్తున్న చాలామంది హీరోయిన్లు ఈమెని ఫాలో అవుతున్నారంటే అదే ఆమె సీక్రెట్. ఏప్రిల్ 28న అంటే ఆదివారం ఆమె పుట్టినరోజు కావడంతో హార్డ్ కోర్ ఫ్యాన్స్ ఈ బ్యూటీకి శుభాకాంక్షలు చెబుతున్నారు.
ఏ మాయ చేశావే సినిమాతో గ్లామర్ ఇండస్ట్రీలోకి అడుగుపెట్టిన ఈమె.. నిన్నటి ఖుషి వరకు సినిమాల పరంగా వెనుదిరిగి చూడలేదు. ఎంతోమంది స్టార్ హీరోల సరసన నటించింది… ప్రేక్షకులను మెప్పించింది కూడా. తెలుగు, తమిళంలోనూ కోట్లాది మంది అభిమానులను సంపాదించుకుంది సామ్.
ప్రొఫెషనల్‌గా కెరీర్ పీక్స్‌లో ఉన్న సమయంలో హీరో నాగచైతన్యను ప్రేమించడం, మ్యారేజ్ చేసుకోవడం, ఇద్దరూ కలిసి వెండితెరపై నటించడం జరిగిపోయింది. నాలుగేళ్ల తర్వాత ఆ జంట విడిపోయింది. విడాకులు తీసుకుంటున్నట్లు చెప్పడంతో అక్కినేని అభిమానులు షాక్‌కు గురయ్యారు. ఆ తర్వాత సామ్ అనారోగ్యం బారినపడడంతో కాస్త పర్సనల్‌గా వీకైనా, మెంటల్‌గా చాలా స్ట్రాంగ్‌గా వుండేది. కాకపోతే తన సమస్య నుంచి త్వరగా గట్టెక్కగలిగింది.
ఆ సందర్భంలో సినిమా ఆఫర్లు వచ్చినా కాస్త విరామం ఇచ్చేసింది. ఇంకా ఏ పెద్ద ప్రాజెక్టుకు కమిట్ కాలేదు. ఈ సమయంలో సామ్ ఏర్పాటు చేసిన ప్రత్యూష ట్రస్టు ద్వారా అనాథ పిల్లలకు సాయం చేయడం మొదలుపట్టేసింది. అందుకే ఆమెను దటీజ్ సమంత అన్నారు.
Share
YS Sharmila React on YCP Manifesto 2024 : వైసీపీది దగా మేనిఫెస్టో
Hayden On Sanju Samson: అతన్ని వరల్డ్ కప్‌కు తీసుకోండి.. లేదంటే నష్టపోతారు..
