Samantha Lead Role in Shah Rukh Khan Movie: స్టార్ హీరోయిన్ సమంత బాలీవుడ్ కు మకాం మార్చేస్తుందా.. ? అంటే నిజమే అని అంటున్నాయి బాలీవుడ్ వర్గాలు. మయోసైటిస్ వ్యాధి బారిన పడిన సమంత ఇప్పుడిప్పుడే కోలుకుంటుంది. ఇక ఈ ఏడాది నుంచే ఆమె సినిమా కథలు వింటుంది. మధ్యలో కూడా ఖాళీ లేకుండా ఒక పక్క యాడ్స్, ఇంకోపక్క పాడ్ క్యాస్ట్ చేస్తూ బిజీగా మారింది.
ఇప్పటికే అమ్మడు నటించిన సిటాడెల్ రిలీజ్ రెడీ అవుతోంది. ఇది కాకుండా ఈ ఏడాదిలో సామ్ ఒప్పుకున్నా చిత్రం మా ఇంటి బంగారం. ఈ సినిమాకు సంబంధించిన వివరాలు ఏమి ఇంకా తెలియలేదు. ఈ సినిమాతో ఆమె నిర్మాతగా కూడా ఎంట్రీ ఇస్తుందని తెలుస్తోంది. ఇక ఇవన్నీ పక్కన పెడితే.. సామ్ బాలీవుడ్ లో అత్యంత భారీ ప్రాజెక్ట్ కు ఓకే చెప్పిందని వార్తలు వినిపిస్తున్నాయి.
అది కాకుండా సమంత కోరిక కూడా నెరవేరబోతుందంట. అదేంటంటే.. సామ్ ఫేవరేట్ హీరోస్ లలో షారుఖ్ ఖాన్ ఒకరు. ఏ ఇంటర్వ్యూలో అయినా సామ్.. షారుఖ్ ఖాన్ తో నటించాలని ఉందని చెప్తూ వచ్చేది. ఇక ఇప్పుడు ఆ ఛాన్స్ వచ్చిందని తెలుస్తోంది. బాలీవుడ్ బాద్షా షారుఖ్ ఖాన్ సరసన ఈ చిన్నది రొమాన్స్ చేయనుందని తెలుస్తోంది.
Also Read: Prabhas: నా కెరీర్లోనే ఇది బెస్ట్ రోల్ : ప్రభాస్
బాలీవుడ్ టాప్ డైరెక్టర్ రాజ్ కుమార్ హిరానీ ఈ సినిమాకు దర్శకత్వం వహిస్తున్నట్లు సమాచారం. షారుఖ్- రాజ్ కుమార్ హిరానీ కాంబోలో ఇప్పటికే డంకీ సినిమా వచ్చింది. తెలుగులో ఈ సినిమా ఆశించిన ఫలితాన్ని అందివ్వలేకపాయినా.. హిందీలో ఒక మోస్తరుగా ఆడింది. ఇక ఈ కాంబో మరోసారి రిపీట్ కానుందని బాలీవుడ్ మీడియా కోడై కూస్తోంది.
దేశభక్తితో కూడిన యాక్షన్ అడ్వంచరస్ కథాంశంతో తెరకెక్కనున్న ఈ సినిమాలో షారుఖ్ సరసన హీరోయిన్ గా సామ్ ఎంపిక అయ్యిందని చెప్పుకొస్తున్నారు. ఇదే కనుక నిజమైతే ఈ చిన్నదాన్ని పట్టుకోవడం ఇక కష్టమే. ఇప్పటికే అమెజాన్ వెబ్ సిరీస్ లతో బాలీవుడ్ కు దగ్గరైన ఈ బ్యూటీ షారుఖ్ తో రొమాన్స్ చేస్తే.. ఇక బాలీవుడ్ కే మకాం మార్చడం ఖాయమని అభిమానులు చెప్పుకొస్తున్నారు. మరి ఇందులో నిజమెంత అనేది తెలియాల్సి ఉంది.
Share
Floods in US: అమెరికాలో వరద బీభత్సం.. డకోటాలో ఎమర్జెన్సీ!
Deputy CM Pawan Kalyan: దూకుడు పెంచిన పవన్ కల్యాణ్.. యాక్షన్ ప్లాన్ మామూలుగా లేదుగా..!
