SSMB 28 : ప్ర‌స్తుతం టాలీవుడ్‌లో సెన్సేష‌నల్ మ్యూజిక్ డైరెక్ట‌ర్‌గా త‌మ‌న్ రాణిస్తోన్న సంగ‌తి తెలిసిందే. ఇండ‌స్ట్రీలోని టాప్ ప్రాజెక్ట్స్ అంతా త‌మ‌న్ చేతిలోనే ఉన్నాయి. అందులో ఒక‌టి SSMB 28. మ‌హేష్ హీరోగా త్రివిక్ర‌మ్ ద‌ర్శ‌క‌త్వంలో రూపొందుతోన్న ఈ సినిమా విష‌యంలో మేకర్స్ అస్సలు త‌గ్గేదేలే అని అనుకుంటున్నారు. ఎందుకంటే అత‌డు, ఖ‌లేజా చిత్రాలు ఆశించిన స్థాయిలో విజ‌యాల‌ను అందుకోలేదు. దీంతో ఈ మూడో సినిమాతో అయినా వీరిది హిట్ కాంబోగా నిల‌పాల‌ని టీమ్ ప్ర‌య‌త్నాలు చేస్తోంది.
తాజాగా SSMB 28ని ఇబ్బంది పెడుతున్న విష‌యం మ్యూజిక్. సినిమా స్టార్ట్ కావ‌టానికే చాలా స‌మ‌యం ప‌ట్టింది. ఇప్పుడిప్పుడే స్పీడుగా వెళుతుంది. అయితే ఇంకా త‌మ‌న్ మాత్రం ట్యూన్స్ ఇవ్వ‌లేద‌ట. అస‌లే త‌మ‌న్ మ్యూజిక్ గురించి మ‌హేష్‌కి అంత హ్యాపీగా లేడు. ప్రాజెక్ట్ స్టార్టింగ్‌లోనే త‌మ‌న్‌ని ప‌క్క‌న పెట్టేయాల‌ని మ‌హేష్ అనుకున్న‌ప్ప‌టికీ గురూజీ మాట కోసం కంటిన్యూ చేశాడు. అయితే ఇప్పుడు గురూజీ కూడా త‌మ‌న్‌ని ప‌క్క‌న పెట్టేయ‌క త‌ప్పేలా క‌నిపించ‌టం లేదు. త‌మ‌న్ ఫుల్ బిజీగా ఉన్నాడు. చేతి నిండా సినిమాలున్నప్ప‌టికీ ఓ వైపు సీసీఎల్‌, మ‌రో వైపు ఆహా ఇండియ‌న్ ఐడిల్ 2 ప్రోగ్రామ్స్‌తో త‌మ‌న్ ఖాళీ లేకుండా ఉన్నారు.
ఇది మ‌హేష్‌కి బొత్తిగా న‌చ్చ‌టం లేద‌ట. దీంతో మ‌రో మ్యూజిక్ డైరెక్ట‌ర్‌ని లైన్‌లో పెట్ట‌మ‌ని యూనిట్‌కి మ‌హేష్ చెప్పిన‌ట్లు నెట్టింట వార్త‌లు వైర‌ల్ అవుతున్నాయి. నిజంగానే త‌మ‌న్‌ను SSMB 28 నుంచి ప‌క్క‌కు పెడితే మాత్రం అది త‌న‌కు పెద్ద ఎఫెక్ట్ చూపిస్తుంద‌న‌టంలో సందేహం లేదు. మ‌రి త‌మ‌న్‌ను ఎవ‌రితో రీప్లేస్ చేస్తార‌నేది కూడా ఆలోచించాల్సిన విష‌య‌మే. ఈ సినిమాను వచ్చే ఏడాది సంక్రాంతి సందర్భంగా జనవరి 13న రిలీజ్ చేయటానికి మేకర్స్ నిర్ణయించుకుని అధికారిక ప్రకటనను కూడా రిలీజ్ చేశారు.
Share
IPL : ఐపీఎల్ ప్రారంభ వేడుకల్లో తమన్నా స్పెషల్ షో.. ఆసక్తిగా తొలి మ్యాచ్..
Bandi Sanjay : కేటీఆర్ లీగల్ నోటీసులు.. బండి కౌంటర్ ఇదే..!
