Superstar Krishna : సూపర్ స్టార్ కృష్ణ పెద్ద కర్మను హైదరాబాద్‌లో నిర్వహించారు. ఈ పూజకు రెండు రాష్ట్రాల నలుమూలల నుంచి 5వేల మందికిపైగా సినీరాజకీయ ప్రముఖులు హాజరయ్యారు. అభిమానుల కోసం ప్రత్యేకంగా పాస్‌లు పంపిణీ చేశారు. 32 రకాలతో వంటలు వండించారు గట్టమనేని కుటుంబసభ్యులు. ఈ పెద్దకర్మ కార్యక్రమం హైదరాబాద్‌లోని జేఆర్సీ ఎన్ కన్వెన్షన్‌లో నిర్వహించారు. మహేశ్‌బాబు, సుధీర్‌బాబు, మంజుల, దాదాపు కృష్ణ కుటుంబసభ్యులందరూ ఈ పెద్దకర్మ పూజలో పాల్గొన్నారు.
సూపర్‌స్టార్ కృష్ణను గుర్తుచేసుకుంటూ సుధీర్‌బాబు భావోద్వేగానికి లోనయ్యారు. స్టేజీపైనే ఏడ్చేశారు. మళ్లీ జన్మంటూ ఉంటే కృష్ణ అల్లుడుగానే పుట్టాలనుకుంటున్నట్లు ఆయన కన్నీటిపర్యంతమయ్యారు. ఇక మహేశ్‌బాబు మాట్లాడుతూ..‘నాన్న నాకెంతో ఇచ్చారు..వాటిలో మీ అభిమానం చాలా గొప్పది.. మీ అభిమానాన్ని పంచినందుకు నేను నాన్నకు ఎప్పుడూ రుణపడి ఉంటను. నాన్న మనల్ని విడిచివెళ్లినప్పటికీ ఎప్పుడూ మనగుండెల్లో ఉంటారు. నాన్న ఆశిస్సులతో పాటు మీ అభిమానం, ఆశిస్సులు కూడా నాపై ఎల్లప్పుడూ ఉండాలని కోరుకుంటున్నాను’ అని మహేశ్‌బాబు భావోద్వేగంతో అన్నారు.
Share
Gurajada Award : గురజాడ పురస్కారానికి చాగంటి అర్హుడు కాదా?…అసలు వివాదమేంటి?
Ganta Srinivas : గంటా టీడీపీకి షాక్ ఇస్తారా?.. ఆ పార్టీలో చేరడం ఖాయమా?
