Rajinikanth Received Golden Visa from UAE: ప్రముఖ సినిమా హీరో రజినీకాంత్ గోల్డెన్ ఛాన్స్ కొట్టేశారు. యునైటెడ్ అరబ్ ఎమిరేట్స్(యూఏఈ) గోల్డెన్ వీసాను రజినీకాంత్ తాజాగా అందుకున్నారు. దీంతో ఆయన ఈ వీసాను అందుకున్నవారి జాబితాలోకి చేరారు. ఈ విషయాన్ని ఆయన సోషల్ మీడియాలో తెలియజేస్తూ ఆనందాన్ని వ్యక్తం చేశారు. ఈ సందర్భంగా ఆయన మాట్లాడుతూ.. యూఏఈ గోల్డెన్ వీసాను తనకు రావడం పట్ల ఆనందంగా ఉందన్నారు. అదేవిధంగా ఇది తనకు దక్కిన గౌరవంగా భావిస్తున్నాను అని అన్నారు. ఈ నేపథ్యంలో యూఏఈ ప్రభుత్వానికి, తన స్నేహితుడైన యూసఫ్ అలీకి కృతజ్ఞతలు తెలిపారు. ఆతను లేనిదే ఇది సాధ్యమయ్యేది కాదని ఆయన అన్నారు.
అయితే, శాస్త్రవేత్తలు, నటులు, అసాధారణ ప్రతిభ కలిగిన గ్రాడ్యుయేట్లకు, పెట్టుబడిదారులు, వ్యవస్థాపకులకు యూఏఈ ఈ ప్రత్యేక వీసా అయినటువంటి గోల్డెన్ వీసాను అందజేస్తోంది. ఈ వీసాను 10 ఏళ్ల కాలపరిమితితో అందజేస్తుంది. ఈ క్రంలో రజినీకాంత్ కు ఈ వీసాను అందించింది. కాగా, అల్లు అర్జున్, దుల్కర్ సల్మాన్, త్రిష, అమలాపాల్, మోహన్ లాల్, మమ్ముట్టి, టొవినో థామస్, షారుక్ ఖాన్ కు ఈ వీసా లభించిన విషయం తెలిసిందే.
Also Read: ఫ్యాన్స్ కు గుడ్ న్యూస్.. ఎమ్మెల్యేగా గెలిచినా ఆ పని చేయనున్న పవన్.. ?
‘జైలర్’ మూవీలో రజినీకాంత్ నటించిన విషయం తెలిసిందే. ఈ మూవీ భారీ విజయాన్ని సొంతం చేసుకుంది. ప్రస్తుతం వేట్టయాన్ మూవీలో ఆయన నటిస్తున్నారు. ఆయనకు ఇది 170వ చిత్రం. అదేవిధంగా ‘కూలీ’ సినిమాలో కూడా ఆయన నటిస్తున్నట్లు తెలుస్తోంది.
Share
TSPSC Group-1 Exam: గ్రూప్-1 అభ్యర్థులకు అలర్ట్.. పరీక్షపై టీఎస్పీఎస్సీ కీలక ప్రెస్ నోట్..
Kadapa Election Expenditure: 600 కోట్లు.. సీఎం జగన్కు కడప టెన్షన్..?
