The Greatest Of All Time: దళపతి విజయ్, స్నేహ జంటగా నటిస్తున్న చిత్రం ది గోట్. వెంకట్ ప్రభు దర్శకత్వం వహిస్తున్న ఈ చిత్రాన్ని కల్పాతి ఎస్ అఘోరం, కల్పాతి ఎస్ గణేష్, కల్పాతి ఎస్ సురేష్ నిర్మిస్తున్నారు. ఇక ఈ చిత్రంలో విజయ్ డబుల్ రోల్ లో కనిపించనున్నాడు. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి.
ఇక ఈ మధ్యనే గోట్ సినిమా నుంచి మొదటి సాంగ్ ను తమిళ్ లో రిలీజ్ చేసారు. ఇక ఇప్పుడు అదే సాంగ్ ను తెలుగులో రిలీజ్ చేసారు. నిన్ను కన్న కలలే అంటూ సాగే ఈ సాంగ్ ఆద్యంతం ఆకట్టుకుంటుంది. విజయ్.. ఏ సినిమాలో అయినా ఒక మెలోడి సాంగ్ ఉండేలా చూసుకుంటాడు. ముఖ్యంగా అమ్మ పాట అయితే కచ్చితంగా ఉండేలా చూసుకుంటాడు. తాజాగా ఈ సాంగ్ కూడా అలానే కనిపిస్తుంది.
నిన్ను కన్న కలలే మెరిసెనుగా.. కన్నపేగు మరలా మురిసెనుగా అంటూ సాగిన ఈ సాంగ్ ఎంతో వినసొంపుగా ఉంది. రామజోగయ్య శాస్త్రి అందించిన లిరిక్స్ ఒక ఎత్తు అయితే.. చిత్రమ్మ వాయిస్ ఈ సాంగ్ ను నెక్స్ట్ లెవెల్ కు తీసుకెళ్లింది. ఇక SP చరణ్.. తన వాయిస్ తో SPB ని గుర్తుచేశాడు అని చెప్పడంలో ఎటువంటి అతిశయోక్తి లేదు.
ఇక వీడియోలో విజయ్.. స్నేహ, ఒక బాబుతో కలిసి ఆడుకుంటున్నట్లు కనిపించాడు. లిరిక్స్ లో మాత్రం.. చాలాకాలం తరువాత ప్రేమ దొరికిన వ్యక్తి అన్నట్లు చెప్పుకొచ్చారు. యువన్ శంకర్ రాజా లిస్ట్ లో మరో మెలోడీ పడిందని చెప్పొచ్చు. ప్రస్తుతం ఈ సాంగ్ నెట్టింట వైరల్ గా మారింది. ఇకపోతే ది గోట్ సినిమా సెప్టెంబర్ 5 న ప్రేక్షకుల ముందుకు రానుంది. మరి ఈ సినిమాతో విజయ్ ఎలాంటి విజయాన్ని అందుకుంటుందో చూడాలి.
Share
Hardik Pandya: నటాషాతో విడాకులు ప్రకటించిన హార్దిక్ పాండ్యా
Shukraditya And Budhaditya Rajyog 2024: 100 సంవత్సరాల తర్వాత ఏర్పడబోతున్న రెండు యోగాలు.. 3 రాశుల వారికి జీవితంలో గొప్ప విజయం
