Tollywood Heroines: లంగా జాకెట్ వేసుకొని.. నీట్ గా రెండు జడలు వేసుకొని అందంగా కనిపిస్తున్న ఈ ఇద్దరు అక్కాచెల్లెళ్లను చూస్తుంటే ఎవరైనా గుర్తుకు వస్తున్నారా.. ? ఎక్కడో చూసినట్టుంది.. కానీ గుర్తుకు రావడం లేదు అంటారా.. ? అయితే ఈ ఇద్దరు ముద్దొచ్చే ముద్దుగుమ్మలు ఎవరో కాదు.. సీనియర్ నటి రాధ.. ఆమె అక్క అంబిక. వీరిద్దరూ అప్పట్లో ఇండస్ట్రీని ఒక ఊపు ఊపినవారే.
అంబికా.. 1997 లో మమంగం అనే మలయాళ సినిమా ద్వారా ఇండస్ట్రీకి పరిచయమైంది. ఈమె ఎక్కువ కన్నడ సినిమాల్లో నటించింది. తెలుగులో అప్పుడప్పుడు కనిపించినా.. తనకంటూ ఒక ప్రత్యేక స్థానాన్ని సంపాదించుకుంది. మా నాన్నకు పెళ్లి, అరుణాచలం, యముడికి మొగుడు, రాయుడు లాంటి సినిమాల్లో నటించి మెప్పించింది.
ఎక్కడైనా అక్క ముందు వచ్చి.. ఆమె వెంట చెల్లి వస్తుంది. కానీ రాధా విషయంలో అది రివర్స్ ముందు చెల్లి వచ్చి.. ఆమె వెంట అక్క వచ్చింది. సీనియర్ నటి రాధ గురించి తెలియని తెలుగు ప్రేక్షకుడు ఉండడు అంటే అతిశయోక్తి కాదు. రాధ అసలు పేరు ఉదయచంద్రిక. 80వ దశకములో ఈ చిన్నది మహారాణిగా వెలిగింది. ఆమె సరసన నటించని స్టార్ హీరో లేడు అంటే ఆశ్చర్యపోనవసరం లేదు. రజినీకాంత్, కలం హాసన్, చిరంజీవి, బాలకృష్ణ.. ఇలా చెప్పుకుంటూ పోతే ఎంతోమంది స్టార్ హీరోల సరసన నటించి మెప్పిచింది.
దాదాపు 250 సినిమాలో రాధ కనిపించింది. ఇక 1991 లో రాజశేఖరన్ నాయర్ ను వివాహమాడి రాధా నాయర్ గా మారింది. పెళ్లి తరువాత సినిమాలకు దూరమైన రాధ.. ఇంటికే పరిమితమయ్యింది. రాధకు ఇద్దరు కుమార్తెలు. కార్తీక నాయర్, తులసి నాయర్. వీరిద్దరూ కూడా హీరోయిన్స్ గా ఇండస్ట్రీకి పరిచయమయ్యారు.
నాగ చైతన్య తొలి చిత్రం జోష్ లో కార్తీక నటించగా.. కడలి అనే సినిమాతో తులసి ఇండస్ట్రీకి పరిచయమయ్యారు. అయితే తల్లి రాధలా విజయాలను అందుకోలేకపోయారు. దీంతో ఈ మధ్యనే కార్తీక వివాహం చేసుకోగా.. తులసి తమిళ్ సినిమాలతో బిజీగా మారింది. ఇక రాధా ప్రస్తుతం నీతోనే డ్యాన్స్ షోకు జడ్జిగా వ్యవహరిస్తోంది.
పెళ్లికి ముందు నాజూకు తీగలా ఉండే రాధ.. ఇప్పుడు కాస్త బరువు పెరిగింది. అయినా ఆమె అందంలో, డ్యాన్స్ లో ఎలాంటి మార్పు లేదు. ఇక ఈ అక్కాచెల్లెళ్లు ఎప్పుడు కనిపించినా సందడిగా ఉంటారు. వీరి ఫోటోలు ప్రస్తుతం సోషల్ మీడియాలో వైరల్ గా మారాయి.
Share
MHSRB Recruitment: వైద్యారోగ్యశాఖలో 435 ఉద్యోగాలు.. దరఖాస్తుకు చివరితేదీ ఎప్పుడంటే ?
NEET PG 2024: నీట్ పీజీ నిర్వహణపై కేంద్ర మంత్రి ధర్మేంద్ర ప్రధాన్‌ కీలక వ్యాఖ్యలు
