Upasana : మెగాపవర్ స్టార్ రామ్చరణ్ భార్య ఉపాసన సోషల్ మీడియాలో చాలా యాక్టివ్. తన వ్యక్తి అంశాలను అభిమానులతో పంచుకుంటారు. చెర్రీ, ఉపాసన దంపతులు త్వరలో తల్లిదండ్రులు కాబోతున్నారు. ఈ విషయాన్ని చిరంజీవి తొలుత ప్రకటించగానే ఫ్యాన్స్ ఎంతో ఖుషీ అయ్యారు. చెర్రీ-ఉపాసన వివాహం అయి 10 ఏళ్లు దాటింది. అందుకే అభిమానులు ఈ జంట తల్లిదండ్రులు కావాలని ఎప్పటి నుంచో కోరుకుంటున్నారు. మెగా ఫ్యామిలీ సహా అభిమానులు పుట్టబోయే బిడ్డ కోసం వేయి కళ్లతో ఎదురుచూస్తున్నారు.
ప్రస్తుతం రామ్ చరణ్ -ఉపాసన దుబాయ్‌ లో ఉన్నారు. తాజాగా నమ్మోస్‌ బీచ్‌ క్లబ్‌లో ఉపాసన బేబీ షవర్ వేడుకను అట్టహాసంగా నిర్వహించారు. ఈ వీడియోను ఉపాసన తన ఇన్‌స్టా గ్రామ్ లో పోస్ట్ చేశారు. ప్రస్తుతం ఇది సోషల్ మీడియాలో వైరల్‌గా మారింది.
‘మీ అందరి ప్రేమకు చాలా కృతజ్ఞతలు. నా జీవితంలో బెస్ట్ బేబీ షవర్ ఇచ్చిన నా డార్లింగ్ సిస్టర్స్‌కి ధన్యవాదాలు.’ అంటూ పోస్ట్ చేసింది. ఈ వేడుకలో రామ్చరణ్, ఉపాసనల స్నేహితులు, కజిన్స్‌ పాల్గొన్నారు. ఇప్పటికే దీనికి సంబంధించిన ఫోటోలను షేర్‌ చేసిన ఉపాసన తాజాగా వీడియోను అభిమానులతో పంచుకున్నారు. ఈ వీడియో చూసిన అభిమానులు ఉపాసన-రామ్ చరణ్ జంటకు మరోసారి శుభాకాంక్షలు తెలుపుతున్నారు.
కొన్నాళ్లు దుబాయ్‌లో వెకేషన్‌ని ఎంజాయ్‌ చేసిన తర్వాత చరణ్–ఉపాసన ఇండియా చేరుకోనున్నారు. ఆ తర్వాత శంకర్‌ దర్శకత్వంలో చేస్తున్న ‘గేమ్‌ ఛేంజర్‌’ సినిమా షూటింగ్‌లో చెర్రీ పాల్గొనే అవకాశముంది.
Share
Study About Meat: మాంసాన్ని స్టడీ చేసే కొత్త పద్ధతి.. క్వాలిటీ కోసం..
Bandi Sanjay: ఏ1 బండి సంజయ్‌పై పెట్టిన కేసులివే.. సెక్షన్ 151తో చిక్కులేనా?
