Upasana: మెగా కోడలు, రామ్‌చరణ్ భార్య ఉపాసన గురించి ప్రత్యేకంగా చెప్పనక్కర్లేదు. చరణ్ సినిమాల్లో రాణిస్తుంటే.. ఉపాసన బిజినెస్‌లో రాణిస్తోంది. సోషల్ మీడియాలో నిత్యం యాక్టివ్‌గా ఉంటుంది ఉపాసన. ఎప్పటికప్పుడు ఇంట్రెస్టింగ్ అప్డేట్స్‌ను ఫ్యాన్స్‌తో పంచుకుంటుంది. తాజాగా పెళ్లైన కొత్తలో కొందరు తనను ట్రోల్స్ చేశారని ఉపాసన చెప్పుకొచ్చింది. వాటిని తాను లైట్ తీసుకున్నట్లు వెల్లడించింది.
ఇటీవల ఓ ఇంటర్వ్యూలో పాల్గొన్న ఉపాసన ఈ కామెంట్లు చేసింది. ‘‘చరణ్ నాకు కామన్ ఫ్రెండ్స్ ద్వారా పరిచయం అయ్యాడు. కొద్దిరోజులకు మామధ్య పరిచయం పెరిగి ప్రేమగా మారింది. నువ్వు ప్రేమలో పడడం కాదు.. ప్రేమలో వికసిస్తుంటావని చరణ్ నాతో చెప్పాడు. ఆ మాట విని ఎంతో సంతోష పడ్డాను. ప్రతి రోజూ చరణ్ నుంచి ఏదో ఒక విషయాన్ని నేర్చుకుంటూనే ఉంటాను.
మా పెళ్లి విషయంలో ఆంటీ, సోదరి కీలక పాత్ర పోషించారు. వారే పెళ్లి పెద్దలుగామారి మా పెళ్లి జరిపించారు. చిన్నప్పటి నుంచి శరీరాకృతి, బ్యాక్‌గ్రౌండ్ విషయాల్లో ఎన్నో విమర్శలు ఎదుర్కొన్నాను. పెళ్లైన కొత్తలో ఇంకా ఎక్కువ విమర్శలొచ్చాయి. బాడీ షేమింగ్ ఎదుర్కొన్నా. నేను అందంగా లేనని.. కేవలం డబ్బు కోసమే చరణ్ నన్ను పెళ్లి చేసుకున్నాడని మాట్లాడుకున్నారు.
అయినా నేను వాటిని పట్టించుకోలేదు. ట్రోల్స్ వల్ల నేను కుంగిపోలేదు. నేను ధైర్యవంతురాలిని. ఈరోజు నేనొక ఛాంపియన్‌గా ఫీలవుతున్నాను’’ అంటూ చెప్పుకొచ్చింది ఉపాసన. ప్రస్తుతం ఆమె చేసిన కామెంట్లు సోషల్ మీడియాలో వైరలవుతున్నాయి.
Share
Brainwashing:- నిద్రలో బ్రెయిన్ వాషింగ్.. చాలా ముఖ్యం..!
Night Diet : నైట్‌ ఈ ఆహారాల జోలికి అస్సలు వెళ్లకండి
