Vanitha Vijaykumar:కోలీవుడ్ నటుడు విజయ్ కుమార్ గురించి తెలుగువారికి పరిచయం చేయాల్సిన అవసరం లేదు. పేరుకు తమిళ నటుడే అయినా తెలుగు సినిమాల్లోనే ఆయన ఎక్కువ కనిపించారు. ఇక నటి మంజులను వివాహం చేసుకొని మరింత చేరువ అయ్యారు. విజయ్ కుమార్ కు నలుగురు ఆడపిల్లలు, ఒక మెగా పిల్లాడు. వీరందరూ కూడా ఇండస్ట్రీకి పరిచయం ఉన్నవారే. ప్రస్తుతం ఆడపిల్లలు పెళ్లి చేసుకొని, సెటిల్ అయ్యారు. కొడుకు అరుణ్ విజయ్.. తమిళ్ లో హీరోగా కొనసాగుతున్నాడు.
ఇక వీరివలన విజయ్ కుమార్ కు చెడ్డ పేరు రాలేదు కానీ, విజయ్ పెద్ద కూతురు వనితా విజయ్ కుమార్ మాత్రం నిత్యం సోషల్ మీడియాలో వివాదాలతో ట్రెండ్ అవుతూనే ఉంటుంది. పెళ్లిళ్లు, విడాకులు, కోర్టులు, కేసులు.. ఇలా ఒకటని చెప్పలేం. ఇక ఇప్పటికే మూడు పెళ్లిళ్లు చేసుకొని విడిపోయిన వనితా.. తాజాగా నాలుగో పెళ్ళికి సిద్ధమవుతుందని తెలుస్తోంది.
2000 లో ఆకాష్ అనే వ్యక్తిని వివాహమాడింది వనితా. వీరికి విజయ్ హరి, జోవిక అనే పిల్లలు ఉన్నారు. ఈ మధ్యనే జోవిక బిగ్ బాస్ తమిళ్ లో మెరిసింది. ఇక ఆకాష్ తో విభేదాలతో విడిపోయాక విజయ్ అనే వ్యక్తిని రెండో పెళ్లి చేసుకుంది. అతనితో జయనిత అనే కొడుకు ఉన్నాడు. ఇక ఆనంద్ తో విడిపోయాకా వనితా 2020లో పీటర్‌ పాల్‌ అనే వ్యక్తిని మూడో వివాహం చేసుకుంది. అది కూడా ఎంతోకాలం నిలువలేదు. అతను కూడా ఆమెను విడిచి వెళ్ళిపోయాడు.
గత నాలుగేళ్లుగా ఆమె సింగిల్ గా ఉంటూ సినిమాలపై ఫోకస్ పెట్టింది. ఇక తాజాగా వనితా నాలుగో పెళ్లి చేసుకోబోతుందని సమాచారం. ఒక ఇంటర్వ్యూలో ఆమె తోడు కావాలి.. సంతోషంగా జీవించాలి అనుకోవడంలో తప్పులేదుగా అని చెప్పుకొచ్చింది. దీనికి ఆజ్యం పోస్తూ ఈ మధ్య తన యూట్యూబ్ ఛానెల్ లో ఒక అభిమాని.. నాలుగో పెళ్లి చేసుకుంటున్నారా.. ? అని అడగ్గా.. మీరు ఊహించనిదానికి సిద్ధంగా ఉండండి అని చెప్పుకొచ్చింది. దీంతో కచ్చితంగా వనితా నాలుగో పెళ్ళికి రెడీ అవుతుందని నెటిజన్స్ కామెంట్స్ పెడుతున్నారు. మరి వనితా నాలుగో పెళ్లి చేసుకుంటుందా.. ? లేక ఏదైనా సినిమా గురించి చెప్తుందా అనేది చూడాలి.
Share
Gap Between KCR And Jagan: ఇద్దరు మిత్రుల మధ్య గ్యాప్.. ? కారణం ఇదేనా..?
Amazon Top Deals: అమోజాన్ టాప్ డీల్స్.. తక్కువ ధరకే వన్‌ప్లస్, సామ్‌సంగ్ ఫోన్లు.. ఆలశ్యం చేయకండి!
