Venkatesh: పిఠాపురం నుంచి జనసేన అధినేత పవన్ కళ్యాణ్ భారీ మెజారిటీతో గెలిచిన విషయం తెల్సిందే. పదేళ్ల నుంచో పోరాడుతూ వస్తున్న పవన్ సాధించిన తొలివిజయం ఇది. దీంతో ఈ విజయాన్ని పవన్ మాత్రమే కాదు ఇండస్ట్రీ మొత్తం సెలబ్రేట్ చేసుకుంటుంది. నిన్నటి నుంచి పవన్ కు శుభాకాంక్షలు వెల్లువలా వచ్చి పడుతున్నాయి. అభిమానులతో పాటు సినీ, రాజకీయ ప్రముఖులు.. పవన్ సాధించిన ఈ ఘన విజయాన్ని అభినందిస్తూ పోస్టులు పెడుతున్నారు.
తాజాగా విక్టరీ వెంకటేష్ సైతం పవన్ కు అభినందనలు తెలిపారు. ఎప్పుడు లేని విధంగా ఈసారి ఎన్నికల ప్రచారంలో వెంకీ మామ కూడా పాల్గొన్నాడు. తెలంగాణ ఖమ్మం లోక్ సభ ఎన్నికల్లో వెంకటేష్ వియ్యంకుడు రామసహాయం రఘురాంరెడ్డి కాంగ్రెస్ తరపున పోటీ చేయగా.. ఆయనకు సపోర్ట్ చేస్తూ ప్రచారం చేశాడు. ఇటుపక్క ఆంధ్రప్రదేశ్ లో కైకలూరు అసెంబ్లీ నియోజకవర్గంలో బీజేపీ నుంచి కామినేని శ్రీనివాస్ పోటీ చేయగా .. ఆయనకు కూడా వెంకీ మామ సపోర్ట్ చేస్తూ ప్రచారం చేశాడు.
ఇక వెంకీ మామ సపోర్ట్ చేసిన వీరిద్దరూ కూడా భారీ మెజారిటీతో గెలుపొందారు. ఇక పవన్ గెలుపుపై వెంకీ మామ ప్రత్యేకమైన పోస్ట్ పెట్టి ఆయనకు బెస్ట్ విషెస్ తెలిపాడు. ” డియర్ పవన కళ్యాణ్ చారిత్రాత్మక విజయం అందుకున్నందుకు అభినందనలు నా మిత్రమా నీ కంటే దీనికి ఎవరూ అర్హులు కాదు. మీరు మరింత ఉన్నత శిఖరాలకు ఎదగాలి. ప్రజలకు సేవ చేయాలనే మీ కృషి, శక్తి మరియు అంకితభావంతో స్ఫూర్తిని కొనసాగించండి. పిఠాపురం ఎమ్మెల్యే గారూ మీకు శుభాకాంక్షలు” అంటూ రాసుకొచ్చాడు.
పవన్- వెంకటేష్ మధ్య మంచి స్నేహ బంధం ఉంది. వీరిద్దరూ కలిసి గోపాల గోపాల సినిమాలో నటించారు. ఈ స్నేహ బంధింతోనే పవన్ నటించిన అజ్ఞాతవాసి చిత్రంలో వెంకీ ఒక చిన్న పాత్రలో మెరిశాడు. ఇక ఈ ట్వీట్ చూడగానే పవన్ అభిమానులు సంతోషం వ్యక్తం చేస్తున్నారు. పిఠాపురం ఎమ్మెల్యే గారు అని వెంకీ మామ చనువుగా పిలవడంతో వీరిద్దరి బాండింగ్ ఎలాంటిదో అని గుర్తుచేసుకుంటున్నారు. ఏదిఏమైనా వెంకీ మామ మనసు వెన్న అంటూ కామెంట్స్ పెడుతున్నారు.
Congratulations dear @PawanKalyan on the historic win!! No one deserves this more than you, my friend. 🤗 May you soar to greater heights and continue to inspire with your hardwork, strength and dedication to serve people. Wishing you all the best, Pithapuram MLA garu ♥️
— Venkatesh Daggubati (@VenkyMama) June 5, 2024
Share
CM Arvind Kejriwal: ఢిల్లీ సీఎం అరవింద్ కేజ్రీవాల్‌కి బిగ్ షాక్.. మధ్యంతర బెయిల్ పిటిషన్ కొట్టివేత
MK Stalin: "నా ఎత్తు ఎంతో నాకు తెలుసు.. ఈ విషయాన్ని ఇప్పటికే చాలాసార్లు చెప్పా"
