Venu: టాలీవుడ్ నటుడు వేణు తొట్టెంపూడి ఇంట విషాదం నెలకొంది. ఆయన తండ్రి ప్రొఫెసర్ వెంకట సుబ్బారావు(92) ఈరోజు ఉదయం కన్నుమూశారు. దీంతో ఆయన నివాసంలో విషాదఛాయలు అలముకున్నాయి. వెంకట సుబ్బారావు మరణ వార్త తెలిసి సినీ ప్రముఖులు సంతాపం తెలియచేస్తూ.. నటుడు వేణుకు ధైర్యం చెబుతున్నారు. కాగా ఈ రోజు మధ్యాహ్నం జూబ్లీహిల్స్లోని మహాప్రస్థానంలో అంత్యక్రియలు నిర్వహించనున్నారు.
స్వయంవరం, చిరునవ్వుతో, హనుమాన్ జంక్షన్ వంటి చిత్రాలలో హీరోగా నటించి మంచి సక్సెస్ను వేణు అందుకున్నారు. ఇకపోతే కొంతకాలంగా ఈ నటుడి కెరీర్ అంతగొప్పగా ఏం లేదనే చెప్పాలి. హీరోగా ఆయన చేసిన సినిమాలు వరుసగా పరాజయాలు పొందడంతో కొంతకాలం సినిమాలకు బ్రేక్ ఇచ్చారు. ఈ మధ్యనే రామారావు ఆన్ డ్యూటీ సినిమాలో ఓ ప్రత్యేక పాత్రలో కనిపించి అదరగొట్టారు. ఇక డిస్నీ ప్లస్ హాట్స్టార్ ఒరిజినల్ అతిథి సిరీస్తో ఆయన డిజిటల్ ఎంట్రీ కూడా ఇచ్చారు. ఇలాంటి సమయంలో ఆయన తన తండ్రిని కోల్పోవడం బాధాకరమనే చెప్పాలి.
Share
Crude Oil : చమురు సరఫరాకు ఢోకా లేదు
Chandrababu : జగన్ చెప్పేవన్నీ నీతులు.. చేసేవన్నీ సైకో పనులు..
