Vicky Kaushal: సినిమా.. ఒక గ్లామర్ ప్రపంచం. ఇక్కడ పైన వేసుకున్న రంగులు మాత్రమే ప్రపంచానికి కనిపిస్తాయి. కానీ, ఆ రంగుల వెనుక ఉన్న కన్నీళ్లు చాలా తక్కువమందికి తెలుస్తాయి. ఇప్పుడున్న స్టార్ హీరోలు కానీ, హీరోయిన్లు కానీ ఈజీగా పైకి వచ్చినవారు కాదు. ఎన్నో కష్టాలను ఎదుర్కొని ఇక్కడవరకు రాగలిగారు. ఇప్పుడు వారి కష్టాలను చెప్తుంటే కళ్ళు చెమ్మగిల్లుతాయి అని చెప్పడంలో ఎటువంటి అతిశయోక్తి లేదు.
ఇదంతా ఇప్పుడెందుకు అంటే.. బాలీవుడ్ లో ఎన్నో కష్టాలు అనుభవించి ఒక స్థాయికి వచ్చిన హీరోల్లో విక్కీ కౌశల్ ఒకడు. తాను కెరీర్ ను మొదలుపెట్టే సమయంలో అతని కుటుంబం మొత్తం ఎన్నో కష్టాల్లో ఉంది. ఒకరి సపోర్ట్ లేకుండా ఇండస్ట్రీకి వచ్చి.. తనకంటూ ఒక ప్రత్యేక స్థానాన్ని సంపాదించుకున్నాడు. అంతేకాదు అందాల భామ కత్రీనా కైఫ్ మనసును కొల్లగొట్టి.. ఆమెతో ఏడడుగులు నడిచి ఒక కుటుంబాన్ని ఏర్పరచాడు.
ప్రస్తుతం బ్యాడ్ న్యూజ్ అనే సినిమాలో నటిస్తున్న విక్కీ.. ఈ సినిమా ప్రమోషన్స్ లో భాగంగా తాను ఎదుర్కొన్న కష్టాలను ఏకరువు పెట్టాడు. ఒకానొక సమయంలో తన తండ్రి సామ్ కౌశల్.. చేతిలో పనిలేక, డబ్బులు లేక ఆత్మాహత్యాయత్నానికి పాల్పడినట్లు తెలిపి షాక్ ఇచ్చాడు. విక్కీ తండ్రి సామ్.. 90 వ దశకంలో స్టంట్స్ కొరియోగ్రఫీ చేసే యాక్షన్ డైరెక్టర్.
ఇక కొన్నేళ్లు బాగేనా ఉన్నా ఆ తరువాత అవకాశాలు రాలేదట.. దీంతో చేయడానికి పనిలేక ఆత్మహత్యాయత్నానికి ప్రయత్నిచాడట. సరైన సమయంలో కుటుంబం చూడడంతో ఆయన బతికి బయటపడ్డాడట. ” ఇండస్ట్రీ అంటే ఒక జూదం. ఇక్కడ అదృష్టం ఉన్నవారు మాత్రమే బతుకగలరు” అని విక్కీ తన అనుభవాన్ని పంచుకున్నాడు. ప్రస్తుతం విక్కీ వ్యాఖ్యలు నెట్టింట వైరల్ గా మారాయి.
Share
White Hair: తెల్ల జుట్టును నల్లగా మార్చేందుకు రంగే వేయక్కర్లేదు.. ఓ సారి ఈ ఆయిల్ ట్రై చేయండి
Pakistan: కేజీ గోధుమ పిండి రూ.800, వంటనూనె రూ.900.. 'పాకిస్తాన్ ప్రజలు గడ్డితింటారు కానీ అణు ఆయుధాలు కావాలి'
