Vijay Antony – Toofan Teaser: కోలీవుడ్ స్టార్ హీరో విజయ్ ఆంటోని తెలుగు ప్రేక్షకులకు సుపరిచితమే. ఎన్నో చిత్రాలతో తెలుగు ఆడియన్స్కు చేరువయ్యాడు. మరీ ముఖ్యంగా ‘బిచ్చగాడు’ సినిమాతో తనేంటో అందరికీ తెలిసేలా చేశాడు. ఈ మూవీతోనే విజయ్ తెలుగులో ప్రత్యేక ఫ్యాన్ బేస్ క్రియేట్ చేసుకున్నాడు. ఇక చిన్న సినిమాగా ప్రేక్షకుల ముందుకు వచ్చిన ఈ సినిమా యాక్షన్, ఎమోషన్స్తో ఆడియన్స్ను కంటతడిపెట్టించింది.
ఇక ఆ తర్వాత రోషగాడు, రాఘవన్, బిచ్చగాడు 2, సైతాన్ వంటి సినిమాలతో వచ్చాడు. కానీ ఈ సినిమాలేవి పెద్దగా హిట్ కాలేకపోయాయి. అయితే ఈ ఏడాది ‘లవ్ గురు’ సినిమాతో ప్రేక్షకుల్ని పలకరించాడు. ఇక ఆ మూవీ కూడా అనుకున్నంత రేంజ్లో హిట్ కాలేకపోయింది. దీంతో ఎలాంటి విజయపజాయాలతో సంబంధం లేకుండా ఇప్పుడు మరొక యాక్షన్ సినిమాతో ప్రేక్షకుల ముందుకు వచ్చేందుకు రెడీ అయ్యాడు.
ఇందులో భాగంగానే ‘తుఫాన్’ అనే సినిమా చేస్తున్నాడు. ఇన్ఫినిటీ ఫిల్మ్ వెంచర్స్ బ్యానర్స్పై ఈ చిత్రాన్ని కమల్ బోరా, డి లలితా, పంకజ్ బోరా, బి ప్రదీప్ కలిసి నిర్మిస్తున్నారు. పొయెటిక్ యాక్షన్ ఎంటర్టైనర్గా ఈ తుఫాన్ సినిమా ప్రేక్షకుల ముందుకు రాబోతుంది. ఈ చిత్రాన్ని డైరెక్టర్ విజయ్ మిల్టన్ తెరకెక్కిస్తున్నాడు. ఇప్పటికే ఈ మూవీ నుంచి రిలీజ్ అయిన పోస్టర్లు ప్రేక్షకుల్లో మంచి అంచనాలు క్రియేట్ చేశాయి. తాజాగా ఈ మూవీ టీజర్ను మేకర్స్ రిలీజ్ చేశారు. 1.23 నిమిషాల నిడివితో రిలీజ్ అయిన ఈ టీజర్ ఆద్యంతం అత్యంత ఆసక్తికరంగా ఉంది.
Also Read: ఓటీటీలోకి విజయ్ ఆంటోనీ లేటెస్ట్ మూవీ.. స్ట్రీమింగ్ డేట్ ఖరారు..
ఈ టీజర్ ప్రకారం.. కొన్ని జీవితాలు తక్కువనే ఆలోచన ప్రపంచలోని తప్పులన్నింటికీ మూలం అనే డైలాగ్తో ఈ టీజర్ ప్రారంభం అయింది. ఆ తర్వాత టీజర్ లో చూపించే సన్నివేశాలు చాలా ఆసక్తికరంగా ఉన్నాయి. తనను చిన్న చూపు చూసిన సమాజం భవితను మార్చిన ఓ వ్యక్తి కథ ఇది. ఈ టీజర్తో సినిమాపై అంచనాలు విపరీతంగా పెరిగిపోయాయి. కాగా ప్రస్తుతం ఈ మూవీ షూటింగ్ శరవేగంగా జరుగుతోంది. ఈ మూవీ ఓ దీవీ నేపథ్యంలో సాగుతుంది. ఇందులో విజయ్ ఆంటోనికి జోడీగా క్యూట్ అండ్ స్వీట్ బ్యూటీ మేఘా ఆకాష్ హీరోయిన్గా నటిస్తుంది. అలాగే స్టార్ హీరో శరత్ కుమార్, డాలీ ధనంజయ ఇందులో ముఖ్య పాత్ర పోషిస్తున్నాడు.
Share
Telangana Official Symbol: అధికారిక చిహ్నం ఆవిష్కరణ వాయిదా
Man killed Young Woman : ప్రేమోన్మాది ఘాతుకం.. యువతిని నరికి, ఆత్మహత్యాయత్నం
