Yashoda : ఓవ‌ర్‌సీస్‌లో లాభాల బాట పట్టిన స‌మంత ‘యశోద’

Yashoda : సమంత టైటిల్ పాత్రలో నటించిన చిత్రం ‘యశోద’. హ‌రి, హ‌రీష్ ద‌ర్శ‌కులు సినిమాను తెర‌కెక్కించారు. సీనియ‌ర్ నిర్మాత శివ‌లెంక కృష్ణ ప్ర‌సాద్ రూపొందించిన చిత్ర‌మిది. న‌వంబ‌ర్ 11న రిలీజ్ అయిన ఈ చిత్రం సూప‌ర్ హిట్ టాక్‌తో బాక్సాఫీస్ ద‌గ్గ‌ర దూసుకెళ్తోంది. రెండు రోజుల్లో సినిమా దాదాపు రూ. 6 కోట్ల మేర‌కు షేర్ వ‌సూళ్ల‌ను రాబ‌ట్ట‌కుంది. గ్రాస్ వసూళ్ల ప‌రంగా దీని విలువ రూ. 12 కోట్లు అని ట్రేడ్ వ‌ర్గాలు అంటున్నాయి. ఇక ఓవ‌ర్ సీస్‌లో య‌శోద చిత్రం స‌క్సెస్‌ఫుల్‌గా ర‌న్ అవుతుంది. రెండు రోజుల్లోనే ఓవ‌ర్ సీస్‌లో సినిమా పెట్టిన డ‌బ్బుల‌ను రాబ‌ట్టుకుందని మార్కెట్ అన‌లిస్ట్‌లు చెబుతున్నారు. ఆదివారం నుంచి సినిమాకు వ‌చ్చే క‌లెక్ష‌న్స్ అన్నీ డిస్ట్రిబ్యూట‌ర్స్‌కు లాభాలే అంటున్నారు.

స‌రోగ‌సీలో క్రైమ్ ఇన్‌వాల్వ్ అయితే ఎలాంటి ప‌రిణామాలు వ‌స్తాయి అనే కాన్సెప్ట్‌తో సినిమా తెర‌కెక్కింది. దాన్ని ఓ అమ్మాయి ధైర్యంగా ఎదుర్కొందనేదే మూవీ. వ‌ర‌ల‌క్ష్మి శ‌ర‌త్‌కుమార్, రావు ర‌మేష్‌, ముర‌ళీ శ‌ర్మ‌, సంప‌త్ త‌దిత‌రులు కీల‌క పాత్ర‌ల్లో న‌టించారు. మ‌ణిశ‌ర్మ సంగీతం అందించిన ఈ చిత్రానికి సుకుమారన్ సినిమాటోగ్రాఫ‌ర్‌. పుల‌గం చిన్నారాయ‌ణ‌, డా.చ‌ల్లా భాగ్య‌ల‌క్ష్మి డైలాగ్స్ రాశారు.

Share

• 
• 
• 
• 
• 
•