House in Canada : వామ్మో.. ఇదేంటనుకుంటున్నారా? ఇది మన దేశంలో కాదు లెండి. కెనడాలో. అది కూడా కెనడియన్లకు కాదు. ఈ రూల్ అక్కడ విదేశీయులకు మాత్రమే వర్తిస్తుంది. కెనడాలో విదేశీయులెవరూ రెండేళ్ల పాటు ఇళ్లను కొనకుండా నిషేధం విధించారు… కెనడా ప్రధాని జస్టిన్ ట్రూడో. కరోనా కారణంగా 2020 నుంచి కెనడాలో ఇళ్ల ధరలు విపరీతంగా పెరిగిపోయాయి. దీనికి తోడు చాలా మంది పొలిటీషియన్లు ఇళ్లపై భారీ ఎత్తున పెట్టుబడులు పెట్టారు. దాంతో కెనడాలో ఇళ్ల కొరత తీవ్రంగా ఉంది. ఆ కొరతను తగ్గించాలని కెనడియన్లు ఎప్పటి నుంచో ప్రభుత్వాన్ని వేడుకుంటున్నారు. ఎన్నికల ప్రచారంలో ఇచ్చిన హామీ మేరకు… కెనడా ప్రధాని ట్రూడో ఈ నిర్ణయం తీసుకున్నారు. ఈ హామీ వల్లే ఆయన అధికారంలోకి వచ్చినట్లు అక్కడి నేతలు చెబుతుంటారు.
ఇళ్ల కొనుగోళ్లపై కెనడా ప్రధాని ట్రూడో తీసుకున్న నిర్ణయంపై… కెనడియన్ రియల్‌ఎస్టేట్‌ అసోసియేషన్ ఆందోళన వ్యక్తం చేసింది. ఈ నిషేధం కెనడియన్లు, ముఖ్యంగా వింటర్‌ సీజన్‌లో ఇక్కడ ఉన్న ఇళ్లను అమ్మేసి విదేశాల్లో కొనుగోలు చేయాలనుకునే వారికి ఇబ్బందిగా మారుతుందని వ్యాఖ్యానించింది. అలాగే కెనడాలో ఇల్లు కొనాలనుకున్న విదేశీయులు… ఇక్కడ నిషేధం వల్ల మెక్సికో, యూఎస్‌ వైపు మొగ్గు చూపే అవకాశం ఉందని చెబుతోంది. అదే జరిగితే… భారీ నష్టం తప్పదని హెచ్చరించింది.
కెనడియన్ రియల్ ఎస్టేట్ అసోసియేషన్ లెక్కల ప్రకారం.. 2022 ఫిబ్రవరిలో కెనడాలో ఇళ్ల ధరలు సగటున 8 లక్షల డాలర్లు పెరిగాయి. ఆ తర్వాత 13 శాతం తగ్గాయి. అదే సమయంలో కెనడా సెంట్రల్‌ బ్యాంక్‌ వడ్డీరేట్లను పెంచింది. ఫలితంగా మార్టిగేజ్‌ ఇంట్రస్ట్‌ రేట్లు భారీగా పెరిగాయి. 2019 నుంచి ఇళ్ల ధరలు 38 శాతం పెరిగినట్లు చెప్పిన కెనడియన్ రియల్ ఎస్టేట్ అసోసియేషన్… అమ్మకానికి ఉన్న ఇళ్లు కరోనా ముందు స్థాయికి చేరాయని తెలిపింది.
Share
Electric Two-Wheelers : ఎలక్ట్రిక్‌ టూ–వీలర్లపై తగ్గిన మోజు
Hyderabad Metro : హైదరాబాద్ మెట్రో ఉద్యోగులు సమ్మెబాట?.. ఎందుకంటే..?
