Matthew Perry : హాలీవుడ్ సీనియర్ నటుడు, ఒకప్పటి ఫేమస్ నటుడు మాథ్యూపెర్రీ(54) అనుమానాస్పద స్థితిలో మరణించారు. అనేక సినిమాలు, టీవీ షోలతో ప్రేక్షకులకు దగ్గరైన మాథ్యూ పెర్రీ.. టెలివిజన్ సిరీస్ అయిన ఫ్రెండ్స్ లో చాండ్లర్ బింగ్ అనే పాత్రతో అందరినీ ఆకట్టుకున్నాడు. 10 ఏళ్ల పాటు కొనసాగిన ఈ సిరీస్ ద్వారానే మాథ్యూ పెర్రీ ఇండియా ప్రేక్షకులకు కూడా దగ్గరయ్యారు.
కొన్నాళ్లు మాథ్యూ సినిమాలకు, టెలివిజన్ కు కూడా పూర్తిగా దూరంగా ఉంటున్నారు. డ్రగ్స్ కు బానిసైన ఆయన.. ఆ ఊబిలో నుంచి బయటికొచ్చేందుకు చాలా కష్టపడ్డారు. అనారోగ్యం కారణంగా ఇంటికే పరిమితమైన మాథ్యూ.. అక్టోబర్ 28న లాస్ ఏంజిల్స్ లోని బాత్ టబ్ లో అనుమానాస్పద స్థితిలో మరణించినట్లు కనిపించారు. మాథ్యూకి తోడుగా ఉండే అసిస్టెంట్.. బయటికెళ్లి వచ్చాక ఈ ఘటన చూసి ఎమర్జెన్సీ నంబర్ కు కాల్ చేసి విషయం చెప్పాడు. అక్కడికి చేరుకున్న పోలీసులు, అంబులెన్స్ వెంటనే ఆసుపత్రికి తరలించగా.. అప్పటికే మరణించినట్లు చెప్పారు. అనుమానాస్పద మృతిగా పోలీసులు కేసు నమోదు చేసుకుని దర్యాప్తు చేస్తున్నారు. మాథ్యూపెర్రీ మరణవార్తలో పలువురు ప్రముఖులు, అభిమానులు సంతాపం తెలుపుతున్నారు.
Share
Telangana Elections 2023 : ఎన్నికల పర్వం.. కాకరేపుతోన్న నేతల సవాళ్లు..ప్రతి సవాళ్లు
Revanth Tweet : "జనమే నా సైన్యం.. వారి అభిమానమే నా ఆయుధం"
