Plane Engine Explosion: 27 వేల అడుగుల ఎత్తులో విమానం ఇంజిన్ పేలుడు.. పైలట్ సాహసంతో తప్పిన పెను ప్రమాదం!

Plane Engine Explosion: ఆకాశంలో ప్రయాణిస్తున్న సమయంలో విమాన ఇంజిన్ అకస్మాత్తుగా పేలిపోవడంతో ప్రయాణికులు ప్రాణభయంతో వణికిపోయారు. దాదాపు 27 వేల అడుగుల ఎత్తులో ఉండగా ఈ ప్రమాదం చోటుచేసుకుంది. నైజీరియాలోని లాగోస్ నగరం నుండి బయలుదేరిన ఈ విమానం గమ్యస్థానానికి చేరుకోకముందే ఈ ఘోర ప్రమాదం జరిగింది. ఇంజిన్ పేలిన సమయంలో విమానం ఒక్కసారిగా కుదుపులకు లోనవడంతో పెను ప్రమాదం తప్పదని ప్రయాణికులు ఆందోళన చెందారు.

అయితే, పైలట్ తన సమయస్ఫూర్తితో వ్యవహరించి ఒక పెద్ద విపత్తును నివారించగలిగారు. ఇంజిన్ పేలిన విషయాన్ని గుర్తించిన వెంటనే, అత్యవసరంగా విమానాన్ని బెనిన్ ఎయిర్ పోర్టు వైపు మళ్లించారు. క్లిష్ట పరిస్థితుల్లో కూడా విమానాన్ని బెనిన్ విమానాశ్రయంలో సురక్షితంగా ల్యాండ్ చేయడంతో లోపల ఉన్న ప్రయాణికులందరూ ఊపిరి పీల్చుకున్నారు. ప్రయాణికులకు ఎలాంటి ప్రాణనష్టం జరగకపోవడంతో అందరూ పైలట్ చాకచక్యాన్ని ప్రశంసిస్తున్నారు.

ఈ ఘటనకు సంబంధించిన దృశ్యాలు సోషల్ మీడియాలో విపరీతంగా వైరల్ అయ్యాయి. విమానం ఆకాశంలో ఉండగా ఇంజిన్ నుండి మంటలు రావడాన్ని ప్రయాణికులు తమ ఫోన్లలో చిత్రీకరించారు. ఈ వీడియో ప్రస్తుతం నెట్టింట సంచలనంగా మారింది. విమానయాన అధికారులు ఈ ప్రమాదంపై సమగ్ర దర్యాప్తునకు ఆదేశించారు. సాంకేతిక లోపమా లేక మరేదైనా కారణమా అనే కోణంలో విచారణ జరుపుతున్నారు.

27 వేల అడుగుల ఎత్తులో పేలిన విమానం ఇంజిన్

లాగోస్ నుంచి నైజీరియా వెళ్తుండగా ఘటన

బెనిన్ ఎయిర్ పోర్టులో విమానాన్ని పైలట్ సురక్షితంగా ల్యాండ్ చేయడం తప్పిన పెను ప్రమాదం

సోషల్ మీడియాలో వైరల్ అయిన వీడియో

An aircraft engine exploded at an altitude of 27,000 feet.

The incident… pic.twitter.com/DpjOh9ZwHE

— BIG TV Breaking News (@bigtvtelugu) February 13, 2026