Russian Beach: రష్యాలోని ఓ ప్రముఖ పర్యాటక ప్రాంతంలో ఊహించని విషాదం చోటుచేసుకుంది. వేసవి సెలవులను సరదాగా గడిపేందుకు బీచ్‌కి వచ్చిన టూరిస్టులపై ఒక్కసారిగా మరణమృదంగం మోగింది.
సముద్ర తీరంలో హాయిగా గడుపుతున్న సమయంలో రష్యాలోని గెలెండ్‌జిక్ సమీపంలో ఉన్న ఆర్ఖిపో-ఒసిపోవ్కా బీచ్‌పై ఉక్రెయిన్ డ్రోన్ దాడి చేసింది. నిమిషాల వ్యవధిలోనే ఆ ప్రాంతమంతా భయాందోళనలతో అట్టుడికిపోయింది. ఉన్నట్టుండి విరుచుకుపడిన ఈ ఘోర దాడిలో ముగ్గురు చిన్న పిల్లలతో సహా మొత్తం ఏడుగురు పర్యాటకులు అక్కడికక్కడే ప్రాణాలు కోల్పోయారు.
ఈ ప్రమాదంలో దాదాపు 40 మంది తీవ్రంగా గాయపడగా.. వారిలో తొమ్మిది మంది పరిస్థితి ప్రస్తుతం అత్యంత విషమంగా ఉన్నట్లు సమాచారం. ప్రమాద తీవ్రతను చూపే దృశ్యాలు ఇప్పుడు సోషల్ మీడియాలో విపరీతంగా వైరల్ అవుతున్నాయి. సముద్ర తీరంలో ప్రశాంతంగా ఉన్న వాతావరణంలో ఒక్కసారిగా పెద్ద శబ్దంతో పేలుడు సంభవించడం, భయంతో టూరిస్టులు, చిన్నపిల్లలు ప్రాణాలు గుప్పిట్లో పెట్టుకుని పరుగులు తీయడం ఆ వీడియోలలో స్పష్టంగా కనిపిస్తోంది.
సామాన్య ప్రజలు, చిన్నారులు లక్ష్యంగా జరిగిన ఈ దాడిపై రష్యా తీవ్ర దిగ్భ్రాంతి వ్యక్తం చేసింది. పర్యాటక ప్రాంతంపై జరిగిన ఈ దాడిని రష్యా విదేశాంగ శాఖ తీవ్ర స్థాయిలో ఖండించింది. బాధితులకు వెంటనే వైద్య సాయం అందిస్తున్నట్లు అధికారులు వెల్లడించారు. ఈ సంఘటనతో ఆ ప్రాంతంలో తీవ్ర ఉద్రిక్త పరిస్థితులు నెలకొన్నాయి.
బీచ్‌లో డ్రోన్ దాడి.. ఏడుగురు మృతి
రష్యాలోని రద్దీ బీచ్‌లో ఉక్రెయిన్ డ్రోన్ దాడి చేసింది. ఈ ఘటనలో ముగ్గురు పిల్లలు సహా ఏడుగురు చనిపోయారు. 40 మందికిపైగా గాయపడగా, 9 మంది పరిస్థితి విషమంగా ఉంది. ఈ మేరకు గెలెండ్‌జిక్‌లోని ఆర్ఖిపో-ఒసిపోవ్కా బీచ్‌లో డ్రోన్ పడిన వీడియో SMలో… pic.twitter.com/bVqDNxh2BA
— BigTV APP (@BigtvApp) August 4, 2026
Share
Karthika Deepam 2 Serial Today Episode August 4th ‘కార్తీక దీపం 2’ సీరియల్‌: సూరజ్ తో జ్యో పెళ్లి చేయాలన్న సుమిత్ర 
వాహనదారులకు బిగ్ అలర్ట్.. వాహనాల్లోకి వీ2వీ వ్యవస్థ, ఎన్ని ఉపయోగాలో తెలుసా?
