APPSC Group 2 Exams: యథావిధిగా గ్రూప్‌-2 మెయిన్స్‌ పరీక్షలు.. ఈ రూల్స్ తప్పక పాటించాల్సిందే..!

APPSC Group 2 Exams: ఏపీలో గ్రూప్‌-2 మెయిన్స్ పరీక్షకు ఏర్పాట్లన్నీ పూర్తయ్యాయి. మరికాసేపట్లో పరీక్ష ప్రారంభం కానుంది. ఉదయం 10 గంటల నుంచి మధ్యాహ్నం పన్నెండున్నర వరకు పేపర్-1, మధ్యాహ్నం 3 గంటల నుంచి 5.30 గంటల వరకు పేపర్‌-2 పరీక్ష జరగనుంది. అభ్యర్థులు 15 నిమిషాల ముందే ఎగ్జామ్ సెంటర్‌కు రావాలని సూచించారు అధికారులు. రాష్ట్ర వ్యాప్తంగా 175 పరీక్షా కేంద్రాలు ఏర్పాటు చేయగా..92వేల 250 మంది మెయిన్స్‌ పరీక్షకు హాజరు కానున్నారు.

ఐతే APPSC తీరుపై అభ్యర్థులు ఆగ్రహం వ్యక్తం చేస్తున్నారు. రోస్టర్‌ విధానంలో తప్పులు ఉన్నాయని, పరీక్ష వాయిదా వేయాలంటూ లేఖ రాశారు. అభ్యర్థులు లెటర్ రాసిన 32 గంటల తర్వాత APPSC రిప్లై ఇచ్చింది. అయితే.. MLC ఎన్నికల కోడ్ అమల్లో ఉన్నందున.. గ్రాడ్యుయేట్లకు అనుకూలంగా ఎలాంటి నిర్ణయం తీసుకోలేమంటూ బోర్డు రిప్లై ఇచ్చింది. ఆదివారం జరగాల్సిన పరీక్ష వాయిదా పడిందంటూ కొందరు దుష్ప్రచారం చేశారని కేసు కూడా పెట్టారు. ఇక తాజాగా పరీక్ష యథావిథిగా కొనసాగుతుందని చెప్పింది. చివరి నిమిషంలో ప్రకటించడంతో.. వందల కిలో మీటర్లు ఎలా వెళ్తామని ఆగ్రహం వ్యక్తం చేస్తున్నారు.

ఇదిలా ఉంటే.. గ్రూప్-2 మెయిన్స్ పరీక్షల నిర్వహణపై తన మార్క్ చూపించారు APPSC ఛైర్మన్ అనురాధ. గ్రూప్-2 మెయిన్స్ పరీక్షలపై వెనక్కి తగ్గేదేలేదన్నారు. ప్రభుత్వం వాయిదా వేయాలని కోరినా.. కాదని తెగేసి చెప్పారు. అభ్యర్ధుల ఆందోళనతో.. గ్రూప్-2 మెయిన్స్ పరీక్షల వాయిదా వేయాలని కోరుతూ.. ప్రభుత్వం రాసిన లేఖకు ఏపీపీఎస్సీ సమాధానమిచ్చింది. ప్రస్తుతం ఉన్న పరిస్థితిలో పరీక్షలు వాయిదా వేయలేమని.. అలా చేస్తే అభ్యర్ధుల మానసిక పరిస్థితిపై ప్రభావం చూపిస్తుందని తెలిపింది. అంతేకాకుండా గ్రూప్‌-2 నోటిఫికేషన్‌లో ఎక్కడా రోస్టర్‌ పాయింట్ల ప్రస్తావన లేదని తెలిపింది. ఇది అంతా కొన్న కోచింగ్ సెంటర్ల కుట్రగా అభివర్ణించింది APPSC. దీనిపై ప్రభుత్వానికి లేఖ రాసింది.

Also Read: రాష్ట్రవ్యాప్తంగా రోడ్లపైకి ఏపీపీఎస్పీ గ్రూప్-2 అభ్యర్ధులు- ప్రభుత్వానికి వారి డిమాండ్లు ఇవే..

అయితే గ్రూప్-2 మెయిన్స్ పరీక్షల నిర్వహణపై..APPSC ఛైర్మన్ అనురాధ తీసుకున్న ఇండిపెండెంట్ డెసిషన్ ఇప్పుుడు హాట్ టాపిక్‌ అవుతోంది. ప్రభుత్వం పరీక్షలు వాయిదా వేయాలని కోరినా.. APPSC మాత్రం తన నిర్ణయాన్ని మార్చుకోలేదు. వాస్తవానికి కమిషన్ అనేది ఓ ఇండిపెండెంట్ సంస్ధ. వాటి నిర్ణయాలు కూడా అలానే ఉండాలి. దీంతో ఇప్పుడు APPSC తీసుకున్న నిర్ణయాన్ని పలువురు స్వాగతిస్తున్నారు. ప్రభుత్వ ఇన్‌ఫ్లూయెన్స్ లేకుండా పనిచేస్తోందని కితాబిస్తున్నారు. పరీక్షలు రాసేవారు కూడా..రాజకీయ నాయకుల ప్రలోభాలకు లొంగకుండా.. టాలెంట్‌తో జాబ్ సంపాదించుకోవాలని సూచిస్తున్నారు.

Share

• 
• 
• 
• 
• 
•