Telangana Court Jobs: ఐదు రోజులే గడువు.. తెలంగాణ హైకోర్టు ఉద్యోగాలకు దరఖాస్తు చేసుకున్నారా?

Telangana Court Jobs: తెలంగాణ రాష్ట్ర న్యాయ సేవాధికార సంస్థ నుంచి ఇటీవల ఉద్యోగ నోటిఫికేషన్ విడుదలైన సంగతి తెలిసిందే. అయితే తెలంగాణ హైకోర్టులో మొత్తం 9 జిల్లా జడ్జిలు(ఎంట్రీ లెవల్) పోస్టులను భర్తీ చేయనుంది. ఈ ఉద్యోగాలకు ఇప్పటికే దరఖాస్తులు ప్రారంభమయ్యాయి. మే 14న నుంచి ఆప్ లైన్‌లో దరఖాస్తులు స్వీకరిస్తుండగా.. ఈ గడువు జూన్ 13వ తేదీతో ముగియనుంది. దీంతో ఐదు రోజులు గడువు ఉండడంతో దరఖాస్తులు మరిన్ని పెరిగే అవకాశం ఉందని అధికారులు చెబుతున్నారు.

రాత పరీక్షలు ఎప్పుడంటే?

తెలంగాణ హైకోర్టులో భర్తీ చేయనున్న ఈ ఉద్యోగాలకు సంబంధించిన రాత పరీక్షలు ఆగస్టు 24, 25 తేదీలలో నిర్వహించనున్నారు. ఈ ఉద్యోగాలకు ఏదైనా గుర్తింపు పొందిన యూనివర్సిటీ నుంచి ఎల్ఎల్‌బీ అర్హత సాధించి ఉండాలని చెప్పారు. అలాగే తెలంగాణ జ్యుడీషియల్ నియమనిబంధనల ప్రకారం.. నిర్ధేశించిన అర్హతలు తప్పనిసరిగా ఉండాలని సూచించారు. అర్హులు దరఖాస్తు చేసుకునేందుకు http://tshc.gov.in/ వెబ్ సైట్‌ను సంప్రదించాలని నోటిఫికేషన్‌లో పేర్కొన్నారు.

నోటిఫికేషన్ వివరాలు

ఉద్యోగ నోటిఫికేషన్ – తెలంగాణ రాష్ట్ర న్యాయ సేవాధికార సంస్థ, హైకోర్టు
మొత్తం ఉద్యోగాలు – 09
ఎంపిక విధానం – స్క్రీనింగ్ టెస్ట్, రాత పరీక్ష, ఇంటర్వ్యూ
వేతనం – రూ.1,44,840 నుంచి 1,94,660
వయస్సు – 35 నుంచి 48 ఏళ్ల మధ్యలో ఉండాలి
దరఖాస్తులు – ఆఫ్ లైన్ దరఖాస్తులను చీఫ్ సెక్రటరీ ఆఫీస్, తెలంగాణ, సెక్రెటేరియట్, హైదరాబాద్, 500022.