Telangana dost 2026: తెలంగాణలోని ఇంటర్ పూర్తి చేసిన విద్యార్థుల కోసం రాష్ట్ర ఉన్నత విద్యామండలి కీలక ప్రకటన చేసింది. 2026-27 విద్యా సంవత్సరానికి సంబంధించి ప్రభుత్వ, ప్రైవేటు డిగ్రీ కాలేజీల్లో ప్రవేశాల కోసం ‘దోస్త్’ (DOST) నోటిఫికేషన్ను విడుదల చేసింది. ఏప్రిల్ 15వ తేదీ నుంచి ఆన్లైన్ అప్లికేషన్లు ప్రారంభం కానున్నాయి. మూడు విడతల్లో జరిగే ఈ కౌన్సెలింగ్ ప్రక్రియ ద్వారా విద్యార్థులు తమకు నచ్చిన కాలేజీల్లో సీట్లను సొంతం చేసుకోవచ్చు. పూర్తి షెడ్యూల్, అడ్మిషన్ ప్రక్రియకు సంబంధించిన వివరాలను ఇప్పుడు వివరంగా చూద్దాం.
తెలంగాణ దోస్త్ (DOST) 2026-27 పూర్తి షెడ్యూల్:
ఫస్ట్ ఫేజ్ (Phase 1):
దోస్త్ ప్రక్రియ ఏప్రిల్ 15 నుంచి ప్రారంభమవుతుంది.
1.రిజిస్ట్రేషన్: ఏప్రిల్ 15 నుంచి మే 7 వరకు విద్యార్థులు రూ.200 రిజిస్ట్రేషన్ ఫీజు చెల్లించి అప్లై చేసుకోవాలి.
2.వెబ్ ఆప్షన్లు: ఏప్రిల్ 30 నుంచి మే 8 వరకు నచ్చిన కాలేజీలను ఎంచుకోవచ్చు.
3. సీట్ల కేటాయింపు: మే 14న ఫస్ట్ ఫేజ్ సీట్ల కేటాయింపు ఫలితాలు విడుదలవుతాయి. సీటు వచ్చిన వారు వెంటనే ఆన్లైన్లో ‘సెల్ఫ్ రిపోర్టింగ్’ చేయాల్సి ఉంటుంది.
సెకండ్ ఫేజ్ (Phase 2):
తొలి విడతలో సీటు రాని వారు లేదా మెరుగైన కాలేజీ కోరుకునే వారు సెకండ్ ఫేజ్లో పాల్గొనవచ్చు.
1.రిజిస్ట్రేషన్: మే 15 నుంచి మే 25 వరకు అవకాశం ఉంటుంది.
2.వెబ్ ఆప్షన్లు: మే 15 నుంచి మే 26 వరకు ఇచ్చుకోవచ్చు.
3.సీట్ల కేటాయింపు: మే 30న సెకండ్ ఫేజ్ ఫలితాలు వస్తాయి.
మూడో విడత (Phase 3):
1.రిజిస్ట్రేషన్: మే 31 నుంచి జూన్ 15 వరకు అప్లై చేసుకోవచ్చు.
2.వెబ్ ఆప్షన్లు: జూన్ 16 వరకు ఆప్షన్లు ఇచ్చే అవకాశం ఉంది.
3.సీట్ల కేటాయింపు: జూన్ 20న ఫలితాలు ప్రకటిస్తారు.
కాలేజీలో అడ్మిషన్ , తరగతులు:
సీట్లు ఖరారైన విద్యార్థులందరూ జూన్ 20 నుంచి జూన్ 27వ తేదీ మధ్య సంబంధిత కాలేజీలకు స్వయంగా వెళ్లి తమ అడ్మిషన్ ప్రక్రియను పూర్తి చేయాలి.
ఓరియంటేషన్: జూన్ 29, 30 తేదీల్లో విద్యార్థులకు కాలేజీ వాతావరణంపై అవగాహన సదస్సులు నిర్వహిస్తారు.
తరగతుల ప్రారంభం: డిగ్రీ ఫస్ట్ ఇయర్ తరగతులు జూలై 1 నుంచి ప్రారంభమవుతాయి.
విద్యార్థులు గుర్తుంచుకోవాల్సిన ముఖ్యమైన విషయాలు:
ఆన్లైన్ సెల్ఫ్ రిపోర్టింగ్: సీటు వచ్చిన ప్రతి విద్యార్థి నిర్ణీత గడువులోగా ఆన్లైన్ ద్వారా కన్ఫర్మ్ చేసుకోవాలి. లేదంటే ఆ సీటు రద్దయ్యే అవకాశం ఉంది.
సర్టిఫికేట్లు: అడ్మిషన్ సమయంలో అన్ని ఒరిజినల్ సర్టిఫికేట్లు సిద్ధంగా ఉంచుకోవాలి.
వెబ్ ఆప్షన్లు: ఆప్షన్లు ఇచ్చేటప్పుడు ప్రాధాన్యత క్రమాన్ని జాగ్రత్తగా ఎంచుకోవాలి.
Share
అరుదైన గౌరవం అందుకున్న రామ్ చరణ్.. స్పెషల్ అట్రాక్షన్ గా రైమ్!
రంగు మారింది.. రణక్షేత్రం సిద్ధమైంది.. ఏప్రిల్ 25న కవిత కొత్త యుద్ధం!
