Chocolate Giraffe: పొడవాటి మెడను కలిగి ఉండే జిరాఫీ చూడడానికి ఆశ్చర్యకరంగా.. ఇంట్రెస్టింగ్‌గా ఉంటుంది. కొన్ని చోట్ల మాత్రమే కనిపించే ఈ జిరాఫీని చూడడానికి చాలా మంది ఆసక్తి చూపుతుంటారు. అయితే ఆకులు, అలములు తిని బతికే ఈ జిరాఫీని ఇప్పడు మనం తినొచ్చు. ఏంటి.. షాక్ అయ్యారా!. ఇది అక్షరాలా నిజం. ఎందుకంటే ఇది నిజమైన జిరాఫీ కాదు.. చాక్లెట్‌తో తయారు చేసింది. చాక్లెట్‌తో జిరాఫీ తయారు చేయడం ఏంటి అనుకుంటున్నారా..
జూమార్ఫిక్ కలినరీ ఆర్ట్స్‌లో నిపుణుడైన అమౌరీ గుయ్‌చాన్ అనే వ్యక్తి ఈ చాక్లెట్ జిరాఫీని రూపొందించాడు. 8.3 అడుగుల పొడవైన జిరాఫీని పూర్తిగా చాక్లెట్‌తోనే తయారు చేశాడు. దీనిని తయారు చేయడానికి ఏడు రోజుల సమయం పట్టిందట. 72.5 కిలోల బరువున్న ఈ జిరాఫీ చూస్తే నిజమైనదనే అనుకుంటాం… దగ్గరికి వెళ్లి చూస్తేకానీ అర్థం కాదు అది చాక్లెట్ జిరాఫీ అని.
ఈ జిరాఫీ తయారీని జూమార్ఫిక్ వీడియో తీసి తన యూట్యూబ్ ఛానెల్‌లో అప్లోడ్ చేశాడు. ఇప్పటి వరకు ఆ వీడిమోను 4.6 మిలియన్ల మంది చూశారు. జూమార్ఫిక్.. చాక్లెట్‌తో పులి, సింహం, సముద్ర జీవులతో పాటు , టెలిస్కోప్, స్టాచ్యూ ఆఫ్ లిబర్టీ వంటి వాటిని కూడా తయారు చేశాడు.
Share
New Zealand : రెండో స్థానానికి దించిన రెండు ఓటములు
Ponguleti Srinivasa Reddy: వేడెక్కిన ఇల్లందు రాజకీయం… పోటాపోటీ సమ్మేళనాలు
