Insomnia Problems : ఈరోజుల్లో మాటలు రాని చిన్నపిల్లల దగ్గర నుండి పెద్దవారి వరకు అందరూ స్మార్ట్ ఫోన్లకు అడిక్ట్ అవుతున్నారు. ఇది మంచిది కాదని తెలిసినా కూడా ఫోన్లను మాత్రం దూరం పెట్టలేకపోతున్నారు. దీని వల్ల టీనేజర్లకు చదువుపై శ్రద్ధ ఉండడం లేదని వాళ్ల తల్లిదండ్రులు వాపోతున్నారు. కానీ టీనేజర్లకు స్మార్ట్ ఫోన్ అడిక్షన్ ఉండడం వల్ల కూడా ఉపయోగాలు ఉన్నాయని శాస్త్రవేత్తలు చెప్తున్నారు. కొంచెం ఆశ్చర్యంగా ఉన్నా ఇది నిజం..!
రోజంతా ఫోన్ ఉపయోగించినా ఉపయోగించకపోయినా.. నిద్రపోయే ముందు మాత్రం కాసేపైనా ఫోన్ ఉపయోగించే అలవాటు దాదాపు అందరికీ ఉంటుంది. అయితే టీనేజర్ల పడుకునే ముందు ఫోన్ ఉపయోగించడం దేనికి దారితీస్తుంది అనే విషయంపై ఆస్ట్రేలియన్ శాస్త్రవేత్తలు పరిశోధనలు చేశారు. ఈ ఫోన్‌లో యూట్యూబ్, మ్యూజిక్ యాప్స్, ఇన్‌స్టాగ్రామ్, స్నాప్‌చాట్.. అన్నీ ఉండేలా చూసుకున్నారు. 12 నుండి 18 మధ్య వయసున్న 600 టీనేజర్లను వారు ఈ స్టడీ కోసం సెలక్ట్ చేసుకున్నారు.
మామూలుగా పడుకునే ముందే టీనేజర్ల మైండ్ ఎక్కువ వేగంగా పనిచేస్తుందని శాస్త్రవేత్తలు నిర్ధారించారు. అలాంటి సమయంలోనే వారికి ఎన్నో చెడు ఆలోచనలు కూడా వచ్చే అవకాశం ఉందని వారు తెలిపారు. ఆ సమయంలో వారికి వచ్చే నెగిటివ్ ఆలోచనల నుండి దృష్టి మళ్లించడానికి టెక్నాలజీ ఉపయోగపడుతుందని శాస్త్రవేత్తలు చెప్తున్నారు. వారికి నచ్చే పాట వినడం, సినిమా చూడడం, గేమ్ ఆడడం లాంటివి నెగిటివ్ ఆలోచనలను దూరం చేస్తుందని శాస్త్రవేత్తలు అన్నారు.
631 మంది టీనేజర్లలో టెక్నాలజీ అనేది నెగిటివ్ ఆలోచనలను దూరం చేస్తుంది అన్న విషయాన్ని 23.6 శాతం మంది సమర్ధించారు. 38.4 శాతం మంది ప్రతీసారి అలా జరగకపోయినా.. అప్పుడప్పుడు జరుగుతుందని అన్నారు. అయితే పూర్తిగా పడుకునే ముందు టెక్నాలజీకి అడిక్ట్ అవ్వడం కూడా మంచిది కాదని.. వారికి ఉన్న నిద్రలేమి సమస్యలను దూరం చేయడానికి ఇంక ఇతర మార్గాలు ఆలోచించాలని శాస్త్రవేత్తలు భావిస్తున్నారు.
Share
Bank Holidays: 15 రోజులు సెలవులు.. ఇలా అయితే కష్టమే..
MLA: అమ్మాయిలను పంపించు.. ఎమ్మెల్యే చిన్నయ్య పెద్దల పనులు?.. ఆడియో, వీడియో వైరల్..
