Big Stories

Vitamin D : విటమిన్ డి మాత్రలు ఎప్పుడు వాడాలి?

Vitamin D : ఎముకల ఆరోగ్యానికి విటమిన్‌ డి ఎంతగానో ఉపయోగపడుతుంది. కొవ్వులో కరిగే విటమిన్ కూడా ఇదే. మన ఇమ్యూనిటీ పెంచేందుకు ఇది చాలా అవసరం. విటమిన్ డి స్థాయి తక్కువగా ఉన్నవారికి శరీర పెరుగుదల ఆగిపోతుంది. అయితే విటమిన్‌ డి ఎంత స్థాయిలో తీసుకోవాలో, అసలు వాడొచ్చా అనేది ముందుగా డాక్టర్‌ను సంప్రదిస్తే మంచిది. ప్రతి ఒక్కరూ ఏదో సమయంలో విటమిన్ డి లోపాన్ని ఎదుర్కొంటారు. విటమిన్ డి లోపం మగవాళ్ల పోలిస్తే రుతుక్రమం ఆగిపోయిన స్త్రీలపై ఎక్కువగా ఉంటుంది. సూర్యరశ్మికి ఉండడం వల్ల మనకు ఎక్కువ మోతాదులో విటమిన్ డి అందుతుంది. ఎండాకాలంలో 15 నుంచి 20 నిమిషాలు వారానికి రెండు నుండి మూడు సార్లు చేతులు, కాళ్లను ఎండలో ఉంచడం మంచిది. సాధారణంగా అయితే విటమిన్ డిని పొందడానికి సూర్యుడి ఎండలో ఉదయం 10 నుంచి మధ్యాహ్నం 3 గంటల మధ్యకాలంలో ఉండాలి. మన శరీరం తక్కువ సమయంలో విటమిన్ డిని ఎక్కువగా తయారు చేస్తుంది. చలికాలంలో ఎక్కువ ఎండ అందుబాటులో లేని ప్రదేశాల్లో మీకు విటమిన్‌ డి లభించదు అలాంటప్పుడు కొన్ని విటమిన్‌ డి ఉన్న ఆహార పదార్థాలు తీసుకోవాలి. అవి సాల్మన్, రెడ్ మీట్, గుడ్డు సొన, లివర్‌లో ఎక్కువగా విటమిన్‌ డి ఉంటుంది. ఊబకాయం ఉన్నవారు, 65 ఏళ్ళ కంటే ఎక్కువ వయసు ఉన్నవారికి విటమిన్‌ డి స్థాయిలు తక్కువగా ఉంటాయి. విటమిన్ డి ఎక్కువగా తీసుకోవడం కూడా మన శరీరంపై నెగెటీవ్ ఎఫెక్ట్స్ చూపుతుంది. ఇది కాల్షియం ఏర్పడేందుకు దారి తీస్తుంది. ఇది ఎముకలను బలహీనపరుస్తుంది. అంతేకాకుండా గుండె, మూత్రపిండాలను దెబ్బతీస్తుందని వైద్యులు అంటున్నారు. ఒకటి నుండి 10 సంవత్సరాలలోపు పిల్లలకు విటమిన్‌ డి స్థాయి 50 మైక్రోగ్రాముల కంటే మించకూడదు. 12 నెలల లోపు శిశువులకు 25 మైక్రోగ్రాముల కంటే మించొద్దు. ఆరోగ్య నిపుణుల అభిప్రాయం ప్రకారం విటమిన్ డి సప్లిమెంట్స్ విషయానికొస్తే అవి వేసుకునే టైమ్ కూడా ముఖ్యమే. ఈ ట్యాబ్లెట్స్ ఉదయమే తీసుకోవాలి. సూర్యుని నుండి సహజంగా విటమిన్ డిని తీసుకుంటే మధ్యాహ్నం వరకూ బెనిఫిట్స్ పొందుతాం అని నిపుణులు చెబుతున్నారు.

- Advertisement -

ఇవి కూడా చదవండి

Latest News