Weight Gain: బరువు పెరగడానికి కారణం భోజనం కాదు.. నిద్రలేమి సమస్యే అసలు విలన్ అంటున్న నిపుణులు!

Weight Gain: నేటి డిజిటల్ యుగంలో చాలామంది నిద్రను తేలికగా తీసుకుంటున్నారు. ఫోన్లు, ఇతర పరికరాల వాడకం వల్ల నిద్ర సమయం గణనీయంగా తగ్గుతోంది. రాత్రివేళ సరైన నిద్ర లేకపోతే శరీరం సరిగా విశ్రాంతి పొందదు. దీని ప్రభావంతో మెటబాలిజం, హార్మోన్ల సమతుల్యత దెబ్బతింటుంది. నిద్రలేమితో బాధపడే వారిలో బరువు పెరిగే ప్రమాదం ఎక్కువగా ఉంటుందని నిపుణులు చెబుతున్నారు. అందుకే ఆరోగ్యానికి నాణ్యమైన నిద్ర ఎంతో కీలకం.

నిద్రపట్ల నిర్లక్ష్యం తగదు:

డైట్‌ను క్రమంగా పాటిస్తూ, రోజూ వ్యాయామం చేస్తున్నా సరైన నిద్ర లేకపోతే బరువు తగ్గడం కష్టమవుతుంది. నిద్ర తక్కువగా ఉంటే శరీరం అదనపు కొవ్వును సమర్థవంతంగా కరిగించలేదని పరిశోధనలు చెబుతున్నాయి. ఒకే డైట్ పాటించినా తక్కువ నిద్రపోయినవారిలో కొవ్వు తగ్గుదల గణనీయంగా తక్కువగా కనిపిస్తోంది. అందుకే నిద్రను నిర్లక్ష్యం చేయకూడదని నిపుణులు సూచిస్తున్నారు.

Also Read: అమ్మో.. పీకాన్ గింజల్లో ఇంత పవర్ ఉందా? ఈ ఆరోగ్య ప్రయోజనాలు తెలిస్తే అస్సలొదలరు!

ఆకలి పెరుగుతుంది:

నిద్రలేమి సమస్య వలన శరీరంలోని సహజ జీవగడియారం దెబ్బతింటుంది. దీని ప్రభావంతో హార్మోన్ల సమతుల్యత మారిపోతుంది. శరీరానికి సరైన నిద్ర అందకపోతే ఆకలిని పెంచే హార్మోన్‌ స్థాయి అధికమవ్వడమే కాకుండా.. ఒత్తిడిని పెంచే హార్మోన్స్ కూడా పెరుగుతుంది. ఫలితంగా శరీరం కొవ్వును కరిగించకుండా నిల్వ చేసుకునే పరిస్థితి ఏర్పడుతుంది.

ఊబకాయం ముప్పు:

ఇలాంటి మార్పుల వల్ల బరువు పెరగడమే కాకుండా.. ఊబకాయం ముప్పు కూడా పెరుగుతుందని వైద్యులు హెచ్చరిస్తున్నారు. దీర్ఘకాలం పాటు నిద్ర తక్కువగా ఉంటే.. ఆరోగ్యంపై ప్రతికూల ప్రభావాలు మరింత తీవ్రమవుతాయి. అందుకే, బరువు తగ్గాలంటే కేవలం డైట్, వ్యాయామం మాత్రమే సరిపోవు. నాణ్యమైన నిద్ర కూడా తప్పనిసరి.

చిన్న చిన్న మార్పులు:

ఆరోగ్యాన్ని కాపాడుకోవాలంటే.. రోజుకు కనీసం 7 నుంచి 8 నిద్ర అవసరమని నిపుణులు సూచిస్తున్నారు. సమయానికి నిద్రపోవడమే కాదు.. మధ్యలో నిద్ర భంగం కాకుండా చూసుకోవడం కూడా ముఖ్యమే. మన రోజూవారీ జీవనశైలిలో చిన్న చిన్న మార్పులు చేస్తే మంచి ఫలితాలు కనిపిస్తాయి.

Also Read: అధిక బరువును నియంత్రించే వెల్లుల్లి-తేనె మిశ్రమం.. రోజూ తిన్నారంటే షాకింగ్ రిజల్ట్స్!

Share

• 
• 
• 
• 
• 
•