Kidney Stones: సాధారణంగా కిడ్నీలో రాళ్ల సమస్య అనగానే నలభై ఏళ్లు దాటిన వారిలోనో లేదా వృద్ధుల్లోనో కనిపిస్తుందని మనం అనుకుంటాం. కానీ, నేటి ఆధునిక జీవనశైలిలో చిన్న పిల్లలు, టీనేజర్లు కూడా ఈ మొండి వ్యాధి బారిన పడటం ఆందోళన కలిగిస్తోంది. ఇటీవల ఓ 16 ఏళ్ల బాలికకు సంబంధించిన వైద్య పరీక్షల నివేదిక చూసి డాక్టర్లే విస్మయానికి గురయ్యారు. కేవలం నీళ్లు తాగకపోవడం అనే ఒక చిన్న అలవాటు ప్రాణాపాయం లేకపోయినా శరీరాన్ని ఎంతలా ఇబ్బంది పెడుతుందో ఈ ఘటన నిరూపించింది.
చిన్న పిల్లలా కనిపించే ఆ బాలికకు అప్పుడప్పుడు లైట్గా కడుపునొప్పి వచ్చేది. అది కేవలం గ్యాస్ సమస్యేనని అందరూ భావించారు. కానీ తల్లిదండ్రులు ముందు జాగ్రత్తగా చేయించిన స్కానింగ్లో ఆమె కుడి కిడ్నీలో రాళ్లు ఉన్నట్లు తేలింది. అసలు ఆ వయసులో రాళ్లు ఎందుకు వచ్చాయా అని ఆరా తీస్తే.. ఆ అమ్మాయికి అసలు దాహం వేసినా నీళ్లు తాగే అలవాటు లేదని తెలిసింది. ఎలాంటి తీవ్రమైన లక్షణాలు బయటకు కనిపించకపోయినా, శరీరం లోపల సమస్య ఎంతలా పెరిగిపోతుందో ఈ ఉదంతం సూచిస్తోంది.
Also Read: బిగినర్స్ కోసం బెస్ట్ టిప్స్.. మీ జిమ్ బ్యాగులో ఈ వస్తువులు ఉండేలా చూసుకోండి!
మన శరీరంలోని మలినాలను ఎప్పటికప్పుడు బయటకు పంపే ఫిల్టర్లు కిడ్నీలు. ఈ శుద్ధి ప్రక్రియ సరిగ్గా జరగాలంటే శరీరానికి తగినంత నీరు అందాలి. నీరు తక్కువైతే మూత్రం సాంద్రత పెరిగి, అందులోని కాల్షియం వంటి లవణాలు బయటకు పోలేక చిన్న చిన్న స్ఫటికాలుగా పేరుకుపోతాయి. అవే కాలక్రమేణా గట్టిపడి రాళ్లుగా మారుతాయి. సరిపడా నీరు తాగితే ఈ వ్యర్థాలు ద్రవరూపంలో కరిగి సులభంగా బయటకు వెళ్లిపోతాయి.
నేటి కాలంలో పిల్లలు స్మార్ట్ఫోన్లు, చదువుల ఒత్తిడిలో పడి కనీస అవసరాలను పక్కన పెడుతున్నారు. స్కూళ్లలో లేదా కాలేజీల్లో వాష్రూమ్కు వెళ్లడం ఇబ్బందిగా భావించి నీరు తాగడం మానేస్తున్నారు. నీళ్లకు బదులుగా సాఫ్ట్ డ్రింక్స్, ఎనర్జీ డ్రింక్స్ తీసుకోవడం వల్ల శరీరానికి హైడ్రేషన్ అందకపోగా కిడ్నీలపై భారం పెరుగుతోంది.
అందుకే పిల్లలు కనీసం రెండున్నర నుంచి మూడు లీటర్ల నీరు తాగేలా చూడటం తల్లిదండ్రుల బాధ్యత. వారి మూత్రం రంగును గమనించడం ద్వారా శరీరం డీహైడ్రేషన్కు గురవుతుందో లేదో తెలుసుకోవచ్చు. చిన్నపాటి అసౌకర్యాన్ని కూడా నిర్లక్ష్యం చేయకుండా వైద్యులను సంప్రదించడం ఉత్తమం. శరీరానికి సరిపడా నీళ్లు తాగడం అనేది క్రమశిక్షణగా మారితేనే రేపటి తరాన్ని ఇలాంటి ఆరోగ్య సమస్యల నుంచి కాపాడుకోగలం.
Also Read: మీ వంటింట్లో ఈ మార్పులు చేసుకుంటే.. జిమ్కు వెళ్లకుండానే ఈజీగా బరువు తగ్గొచ్చు!
Share
Madanapalle Girl Incident Case: మదనపల్లె చిన్నారి కేసు.. సోమవారం సాయంత్రం నుంచి ఏం జరిగింది?
Nabha Natesh : అబ్బా.. చూస్తుంటేనే మతిపోతుంది.. ఎంత అందంగా ఉందో నభా..
