Cinnamon: దాల్చిన చెక్కను ఇలా వాడితే.. పూర్తిగా షుగర్ కంట్రోల్

Cinnamon: ప్రస్తుతం చాలా మంది డయాబెటిస్‌తో ఇబ్బంది పడుతున్నారు. చాలా మంది షుగర్ కంట్రోల్‌లో ఉండటానికి రకరకాల హోం రెమెడీస్ వాడుతుంటారు. ఇదిలా ఉంటే వంటింట్లో ఉండే దాల్చిన చెక్క షుగర్ కంట్రోల్ చేయడానికి అద్భుతంగా పనిచేస్తుంది. కానీ దాల్చినచెక్క ప్రభావం, అది ఏ రకమైనదనే దానిపై ఆధారపడి ఉంటుంది. దాల్చిన రెండు రకాలు అందుబాటులో ఉన్నాయి. వీటిలో ఏది షుగర్ కంట్రోల్‌కు ఉపయోగపడుతుందో ఇప్పుడు తెలుసుకుందాం.

క్యాసియా దాల్చినచెక్క : ఇది సాధారణంగా మార్కెట్‌లో ఎక్కువగా లభించే రకం. దీనిలో ‘కౌమారిన్’ అనే సమ్మేళనం అధికంగా ఉంటుంది. కౌమారిన్ ఎక్కువ మోతాదులో తీసుకుంటే.. కాలేయానికి హాని కలిగించే ప్రమాదం ఉంది.

సిలోన్ దాల్చినచెక్క : దీనిని లంక దాల్చినచెక్క అని కూడా అంటారు. దీనిలో కౌమారిన్ చాలా తక్కువగా ఉంటుంది. కాబట్టి దీనిని ఎక్కువ కాలం, సురక్షితంగా ఉపయోగించవచ్చు. రక్తంలో చక్కెర స్థాయిని నియంత్రించడానికి సిలోన్ దాల్చినచెక్కను ఎంచుకోవడం ఉత్తమమైన మార్గం.

మోతాదు: చక్కెర స్థాయిని తగ్గించడానికి దాల్చినచెక్కను ఎంత మోతాదులో తీసుకోవాలనే విషయంపై సమస్యతీవ్రతపై ఆధారపడి ఉంటుంది. అయినప్పటికీ.. పరిశోధనలలో సాధారణంగా ఉపయోగించిన మోతాదులు రోజుకు 1 గ్రాము నుంచి 6 గ్రాముల వరకు ఉన్నాయి. మీరు మొదట తక్కువ మోతాదుతో ప్రారంభించి,డాక్టర్ సలహా మేరకు నెమ్మదిగా పెంచాలి.

దాల్చినచెక్కను తీసుకునే పద్ధతులు:

దాల్చినచెక్కను రోజువారీ ఆహారంలో సులభంగా చేర్చుకోవడానికి అనేక మార్గాలు ఉన్నాయి.

దాల్చినచెక్క టీ లేదా నీరు: ఒక కప్పు వేడి నీటిలో అర టీస్పూన్ దాల్చినచెక్క పొడిని లేదా ఒక చిన్న దాల్చినచెక్క ముక్కను కలిపి, ఉదయం పరగడుపున తాగడం ఒక ప్రసిద్ధ పద్ధతి. ఇది జీవక్రియను మెరుగు పరచడానికి కూడా సహాయ పడుతుంది.

ఆహారంపై చల్లడం: ఉదయం తీసుకునే ఓట్‌మీల్, పెరుగు, స్మూతీస్ లేదా ధాన్యాలపై దాల్చినచెక్క పొడిని చల్లుకోవచ్చు.

సప్లిమెంట్లు : దాల్చినచెక్క సారం గల క్యాప్సూల్స్ లేదా సప్లిమెంట్లు మార్కెట్లో అందుబాటులో ఉన్నాయి. వీటిని ఉపయోగించే ముందు, మోతాదు, నాణ్యత గురించి తప్పనిసరిగా డాక్టర్‌ని సంప్రదించాలి.

వంటకాలలో వాడకం: సాధారణంగా కూరలు, సూప్‌లు లేదా పండ్ల సలాడ్లలో దాల్చినచెక్కను ఉపయోగించడం ద్వారా కూడా దాని ప్రయోజనాలు పొందవచ్చు.

మీరు ఇప్పటికే డయాబెటిస్ తగ్గడం కోసం మందులు వాడున్నట్లయితే, దాల్చినచెక్కను తీసుకోవడం గురించి తప్పని సరిగా డాక్టర్‌ని సంప్రదించాలి. దాల్చినచెక్క రక్తంలో చక్కెర స్థాయిని మరీ ఎక్కువగా తగ్గించి, హైపోగ్లైసీమియాకి దారితీసే అవకాశం ఉంది.

Also Read: అరటి పండుతో హెయిర్ మాస్క్.. ఇలా వాడితే సిల్కీ హెయిర్

ప్రత్యామ్నాయం కాదు: దాల్చినచెక్క అనేది మీ మధుమేహ నిర్వహణలో ఆరోగ్యకరమైన ఆహారం, వ్యాయామం, డాక్టర్ సూచించడం వల్ల మందులకు అనుబంధంగా మాత్రమే ఉపయోగ పడుతుంది. అంతే కానీ వాటికి ప్రత్యామ్నాయం కాదు.

నాణ్యత: కలుషితం లేని.. నాణ్యమైన దాల్చినచెక్క పొడిని లేదా కర్రలను ఉపయోగించండి.

దాల్చినచెక్కను తగిన మోతాదులో ఆహారంలో భాగంగా తీసుకోవడం, ఆరోగ్య కరమైన జీవన శైలితో కలిపి, చక్కెర స్థాయి నియంత్రణకు ఉత్తమ మైన, సురక్షితమైన మార్గంగా చెప్పవచ్చు.